ନୂଆଦିଲ୍ଲୀ: ଆଫଗାନିସ୍ତାନର କାବୁଲ ମିଲିଟ୍ରି ହସ୍ପିଟାଲ ପାଖରେ ହୋଇଥିବା ବିସ୍ଫୋରଣରେ ତାଲିବାନର ଜଣେ ମୁଖ୍ୟ ସହଯୋଗୀ ମୌଲଭୀ ହମଦୁହ୍ଲା ମୁଖଲିସ ନିହତ ହୋଇଛି। ମୁଖଲିସ କାବୁଲ ମିଲିଟ୍ରି କୋପର୍ସର ଗ୍ୟାଙ୍ଗଷ୍ଟାର। ମୁଖଲିସ ବଡ଼ ତାଲିବାନୀ କମାଣ୍ଡରଙ୍କ ମଧ୍ୟରୁ ଜଣେ ଯିଏକି ଅଗଷ୍ଟରେ ଅଶରଫ ଗୋନୀ ଦେଶ ଛାଡ଼ି ପଳାଇବା ପରେ ଆଫଗାନିସ୍ତାନର ରାଷ୍ଟ୍ରପତି ଭବନରେ ପଶିଥିଲା।
ସୂଚନାଯୋଗ୍ୟ, ଏହି ଆକ୍ରମଣ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ କରିଥିବା ସ୍ୱୀକାର କରିଛି। କିନ୍ତୁ କାବୁଲର ୧୫ତମ ଜିଲ୍ଲାରେ ହୋଇଥିବା ଅକ୍ରମଣ ବିଫଳ ହୋଇଯାଇଛି। ହସ୍ପିଟାଲରେ ଥିବା ନିରୀହ ନାଗରିକ, ରୋଗୀ ଓ ଡାକ୍ତରଙ୍କୁ ମାରିବା ଆକ୍ରମଣକାରୀଙ୍କ ଉଦ୍ଦେଶ୍ୟ ଥିଲା ବୋଲି ତାଲିବାନ ଏକ ବୟାନରେ କହିଛି।
