ଅଭିନେତ୍ରୀ ଝିଲିକ୍ ଭଟ୍ଟାଚାର୍ଯ୍ୟଙ୍କ ସହ ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡାଇଙ୍କ ବିବାହ ଫଟୋ ଭାଇରାଲ
ଯାଜପୁର,ଏନ୍ଏନ୍ଏସ୍: ବାହା ହେଲେ ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡାଇ। ଝିଲିକ୍ ଭଟ୍ଟାଚାର୍ଯ୍ୟଙ୍କ ହାତ ଧରିଛନ୍ତି ପ୍ରୀତିରଞ୍ଜନ। ଚିଲିକାର ଏକ ରିସୋର୍ଟରେ ଦୁଇ ଜଣଙ୍କ ବିବାହ ହୋଇଥିବା ଜଣାପଡ଼ିଛି। ପ୍ରୀତିରଞ୍ଜନଙ୍କ ବାପା ପ୍ରଫୁଲ୍ଲ ଘଡାଇ ଏହି ସୂଚନା ଦେଇଛନ୍ତି। ପରିବାର ଓ କିଛି ସଂପର୍କୀୟଙ୍କ ଗହଣରେ ଉଭୟଙ୍କ ବିବାହ ଅନୁଷ୍ଠିତ ହୋଇଛି। ଦୁଇ ଜଣଙ୍କ ବିବାହ ଫଟୋ ଏବେ ଭାଇରାଲ ହେବାରେ ଲାଗିଛି। ପ୍ରୀତିରଞ୍ଜନ ବାପା ତଥା ବରିଷ୍ଠ ନେତା ପ୍ରଫୁଲ୍ଲ ଘଡାଇ ଓ ତାଙ୍କ ପତ୍ନୀ ମଧ୍ୟ ଫଟୋରେ ନଜର ଆସିଛନ୍ତି।
