ସଇଁନ୍ତଲା ବନ ବିଭାଗର ଚଢ଼ଉ: କାଠ ସାମଗ୍ରୀ ଜବତ

ଦେଓଗାଁ,ଏନ୍ଏନ୍ଏସ୍: ସଇଁତଲା ରେଞ୍ଜ ଅଧୀନରେ ଥିବା ଦେଓଗାଁ ବ୍ଲକ୍‌ର ଗୋଏଲପିଟା ଗାଁ’ରେ ବନ ବିଭାଗ ଚଢ଼ଉ କରି ଝିଅ ବାହାଘର ପାଇଁ ନିର୍ମାଣ ଚାଲିଥିବା କାଠ ସାମଗ୍ରୀକୁ ଜବତ କରିଛି। ଏଥିରେ ସାମିଲ ଥିବା ଜଣେ ଅଭିଯୁକ୍ତକୁ ମଧ୍ୟ ପୁଲିସ ଗିରଫ କରିଛି। ସୋମବାର ସକାଳେ ବନବିଭାଗର କର୍ମଚାରୀମାନେ କୌଣସି ସୂତ୍ରରୁ ଖବରପାଇ କନ୍ଧକେଲଗାଁ ଫରେଷ୍ଟ ସେକ୍ସନ ଅନ୍ତର୍ଗତ ସିକୁଆଁ ପଞ୍ଚାୟତର ଗୋଏଲ ପିଟା ଗାଁ’ରେ ଚଢ଼ଉ କରିଥିଲେ।

ଚଢ଼ାଉ ସମୟରେ ଏହି ଗାଁ’ର କାମର ସିକାଙ୍କ ଠାରୁ ୨ଟି ଆଲଣା, ୧୮ଟି ଶାଳକାଠ ସହ ୨୨ଟି ପଲଙ୍କ କାଠକୁ ଜବତ କରିଛି ବନ ବିଭାଗ। କାଠ ସାମଗ୍ରୀକୁ ଜବତ କରି ସଇଁତଲା ରେଞ୍ଜ ଅଫିସକୁ ନେଇଥିବା ବେଳେ କାମର ଶିକାକୁ ଗିରଫ କରି ଅଟକ ରଖିଥିବା ସୂଚନା ଦେଇଛନ୍ତି ସଇଁତଲା ରେଞ୍ଜର। ଆଜିର ଏହି ଚଢ଼ଉରେ ରେଞ୍ଜର ଶିବପ୍ରସାଦ ନାଏକ, ଶୁସିଲା ପୁଟା, ଶୁଭ୍ର ଜସନା ସାହୁଙ୍କ ସହ ବନ କର୍ମଚାରୀ ମାନେ ଉପସ୍ଥିତ ଥିଲେ।