ଋଷିକୂଲ୍ୟାରେ ଭାସିଗଲେ ବୃଦ୍ଧ
- ଖଲ୍ଲିକୋଟ: ଗଞ୍ଜାମ ଜିଲ୍ଲା ଛତ୍ରପୁର ଥାନା ଅଧୀନ ଗୋବା ଗ୍ରାମ ନିକଟରେ ଥିବା ଋଷିକୁଲ୍ୟା ନଦୀ ସ୍ରୋତରେ ଜଣେ ବୃଦ୍ଧ ଭାସିଯାଇଛନ୍ତି। ବୃଦ୍ଧ ଜଣଙ୍କ ହେଲେ ଗୋବା ଗ୍ରାମର ଗୋବିନ୍ଦ। ବହୁ ସମୟ ହେଲା ଦମକଳ ବାହିନୀ ଖୋଜୁଥିଲେ ମଧ୍ୟ ବୃଦ୍ଧଙ୍କ ପତ୍ତା ମିଳିନାହିଁ। ବୁଧବାର ସକାଳେ ଛତ୍ରପୁର ଥାନା ଅଧୀନ ଗୋବା ଗ୍ରାମର ଗୋବିନ୍ଦ କୌଣସି ଏକ କାମରେ ନଦୀପାର ହୋଇ ପ୍ରତାପୁର ଗ୍ରାମକୁ ଯାଉଥିଲେ । କିନ୍ତୁ ନଦୀର ପ୍ରଖର ସ୍ରୋତରେ ସେ ଭାସିଯାଇଥିଲେ। ଖବରପାଇ ଛତ୍ରପୁର ଅଗ୍ନିଶମ ବିଭାଗର ଏକ ଟିମ୍ ସହ ଛତ୍ରପୁର ପୁଲିସ ଏବଂ ଗ୍ରାମବାସୀ ନଦୀରେ ଖୋଜାଖୋଜି ଜାରି ରଖିଛନ୍ତି।