ସାଂସଦ ରମେଶ ଚନ୍ଦ୍ର ମାଝୀଙ୍କ ଝରିଗାଁ ବ୍ଲକ ଗସ୍ତ

ଝରିଗାଁ,ଏନ୍ଏନ୍ଏସ୍: ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଆଜି ଦିନିକିଆ ଝରିଗାଁ ବ୍ଲକ ଗସ୍ତରେ ଆସି ଚନ୍ଦନଧାରା ଶୈବପୀଠ, ଗୋବାଗୁଡ଼ା ମଶାଣି ଏବଂ ବାରବକୁଲି ଗ୍ରାମବାସୀଙ୍କ ସହ ମିଶି ୧୦୫୦ ଚାରାରୋପଣ କରିଛନ୍ତି। ଚନ୍ଦନ ଧାରା ଶୈବ ପୀଠରେ ୧୫୦ ଚାରା, ଗବାଗୁଡା ମଶାଣିରେ ୪୦୦ ଚାରା ଏବଂ ବାରବାକୁଲି ଗାଁରେ ୫୦୦ ଚାରା ରୋପଣ କରାଯାଇଛି। ଗବାଗୁଡା ଗ୍ରାମର ଜୟ ଶ୍ରୀକୃଷ୍ଣ ଯୁବକ ସଙ୍ଘର ସ୍ୱେଚ୍ଛାସେବୀଙ୍କ ସହାୟତାରେ ଶ୍ମଶାନ ସଫେଇ କରାଯାଇ ଚାରା ରୋପଣ କରାଯାଇଥିଲା।

ଏହି କାର୍ଯ୍ୟକ୍ରମରେ ଝରିଗାଁ ବିଡ଼ିଓ ଦେବେନ୍ଦ୍ର ବହାଦୁର ସିଂ, ଧୁରୁଆ ରେଞ୍ଜର ମୁକୁନ୍ଦ ଦିଶାରୀ, ସାଂସଦଙ୍କ ପ୍ରତିନିଧି ପ୍ରିୟରଞ୍ଜନ ଦାସ, ବ୍ଲକ ବିଜେଡି ସଭାପତି ଉଦୟ ନାଥ ନାୟକ, ସମାଜସେବୀ ରଜନୀ କାନ୍ତ ପଟ୍ଟନାୟକ, ଜିଲ୍ଲା ପରିଷଦ ସଭ୍ୟ ମୋହନ ନାୟକ, ସମାଜ ମଙ୍ଗଳ ଅଧିକାରୀ ପ୍ରଫୁଲ କୁମାର ସେଠୀ, ଟିକଚାନ୍ଦ ମାଝୀ, ମଦନ ସାମଲ, ନବଘନ ଗୌଡ଼ ଏବଂ ଗ୍ରାମବାସୀ ଉପସ୍ଥିତ ଥିଲେ।