ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲା କଂଗ୍ରେସ ପକ୍ଷରୁ ଭାରତ ରତ୍ନ ରାଜୀବ ଗାନ୍ଧୀଙ୍କ ୭୭ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ଶିୟାରାମ ଦାସ, ଭରତ ଅବସ୍ତି, ଫକୀର ନାୟକ, ନିଖିଲ ଘୋଷ ଓ ଅଲେଖ ପ୍ରଶାନ୍ତ ବିଶି ପ୍ରମୁଖଙ୍କ ସମେତ ଅନ୍ୟ କଂଗ୍ରେସ କର୍ମକର୍ତ୍ତାମାନେ ଉପସ୍ଥିତ ଥିଲେ। ଏହି ଅବସରରେ ଦେଶ ପାଇଁ ରାଜୀବ ଗାନ୍ଧୀଙ୍କ ଅବଦାନ ଓ ତାଙ୍କର ରାଜନୈତିକ ଜିବନୀ ବିଷୟରେ ଜିଲ୍ଲା କଂଗ୍ରେସର ବରିଷ୍ଠ ସଦସ୍ୟ ମହେନ୍ଦ୍ର ନାୟକ ଆଲୋକପାତ କରିଥିଲେ। ଭରତକୁ ଏକ ବିକଶିତ ଦେଶ କରିବାର ରାଜୀବଙ୍କ ସ୍ୱପ୍ନକୁ ସଫଳ କରିବା ସହ ଲୋକଙ୍କୁ ସାହାଯ୍ୟ କରିବାର ମନୋବୃତ୍ତି ନେଇ ଜିଲ୍ଲା କଂଗ୍ରେସ ସର୍ବଦା କାମ କରିବ ବୋଲି ଶ୍ରୀ ନାୟକ କହିଥିଲେ। ଏଥିସହିତ ରାଜୀବଙ୍କ ଜୟନ୍ତୀକୁ ସ୍ମରଣୀୟ କରିବା ଏବଂ ତାଙ୍କର ସେବା ମନୋବୃତ୍ତିକୁ ମନେ ପକାଇବା ପାଇଁ ଜିଲ୍ଲା ଯୁବ କଂଗ୍ରେସ ପକ୍ଷରୁ ଜିଲ୍ଲାବାସୀଙ୍କୁ ଚାରା ବଣ୍ଟନ କରାଯାଇଛି।
