ବରଗଡ଼,ଏନ୍ଏନ୍ଏସ୍: ବରଗଡ଼ ଜିଲ୍ଲା ମେଳଛାମୁଣ୍ଡା ଥାନା ଅନ୍ତର୍ଗତ ଘନାମାଲ ଗ୍ରାମରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତ ବ୍ୟକ୍ତି ଘନାମାଲ ଗ୍ରାମର ସାନଦ ନାଏକ (୪୫) ବୋଲି ସୂଚନା ମିଳିଛି । ଆଜି ଅଙ୍ଗନଦୀ ପାରି ହୋଇ ନପାରି ଏକ ହାତୀ ପଲ ଘନାମାଲ ଅଞ୍ଚଳରେ ରହି ଯାଇଥିଲେ । ଉକ୍ତ ହାତୀ ପଲରେ ଗୋଟିଏ ଅଣ୍ଡିରା, ଗୋଟିଏ ମାଈ ଏବଂ ଦୁଇଟି ହାତୀ ଛୁଆ ଥିବାବେଳେ ସନ୍ଧ୍ୟାରେ ଗ୍ରାମବାସୀ ହାତୀପଲକୁ ଘଉଡ଼ାଇବା ସମୟରେ ଏଭଳି ଅଘଟଣ ଘଟିଥିବା ଜଣାପଡ଼ିଛି।
