ସେକ୍ସ ରାକେଟ ଠାବ: ଦୁଇ ରାଣି ମହୁମାଛି ଓ ୬ ଜଣ ଗ୍ରାହକ ଗିରଫ
ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲାରେ ସେକ୍ସ ରାକେଟର ପର୍ଦ୍ଦାଫାସ କରିଛି ପୁଲିସ। ମାଲକାନଗିରି ଆଦର୍ଶ ଥାନା ପୁଲିସ ବିଭିନ୍ନ ସ୍ଥାନରେ ଚଢଉ କରି ଯୌନ ବ୍ୟବସାୟରେ ଲିପ୍ତ ଦୁଇ ରାଣି ମହୁମାଛି ଓ ୬ ଗ୍ରାହକଙ୍କୁ ଗିରଫ କରିଛି। ପୁଲିସ ବିଭନ୍ନ ସ୍ଥାନରେ ଯୌନ ବ୍ୟବସାୟ ବୃଦ୍ଧି ପାଉଥିବା ଅଭିଯୋଗ ପାଇବା ପରେ ଏକ ସ୍ୱତନ୍ତ୍ର ଟିମ୍ ଗଠନ କରିଥିଲା। ଏହ ଟିମ୍ ଦରିଗୁଡା ନିକଟସ୍ଥ ଏମପିଭି- ୧ ରେ ଚଢଉ କରି ଯୌନ କାରବାରରେ ଲିପ୍ତ ଦୁଇ ରାଣି ମହୁମାଛି ସମେତ ୨ ଜଣ ଗ୍ରାହକଙ୍କୁ ଗିରଫ କରିଛି। ଏଥିସହ ଜଣେ ନାବାଳିକାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି। ଏହି ଚଢ଼ଉବେଳେ ଯୌନ ଉଦ୍ଦିପନା ଔଷଧ, ଗର୍ଭ ନିରୋଧକ ବଟିକା, ନିରୋଧ ଜବତ କରାଯାଇଛି। ସେହିପରି ଟେକବାଡି ସାହିରେ ଚଢ଼ଉ ବେଳେ କୋଲକାତାରୁ ଅଣାଯାଇ ଏହି କାର୍ଯ୍ୟରେ ନିୟୋଜିତ କରାଯାଉଥିବା ଦୁଇଜଣ ଯୁବତୀଙ୍କୁ ଉଦ୍ଧାର କରାଯାଇଛି। ଏହିସେକ୍ସ ରାକେଟରେ ସମ୍ପୃକ୍ତ ଥିବା ଗ୍ରାହକ ସମେତ ହ୍ୱାଟ୍ସଆପ ଗ୍ରୁପରେ ଫୋଟ ପଠାଇ ବ୍ୟବସାୟ ଚଳାଉ ଥିବା ମୋଟ ୬ ଜଣଙ୍କୁ ଗିରଫ କରାଯାଇଛି। ସେମାନଙ୍କ ନିକଟରୁ ମୋବାଇଲ ଫୋନ୍, ମୋଟର ସାଇକେଲ ଜବତ କରାଯାଇଛି।
