ରାୟଗଡା,ଏନ୍ଏନ୍ଏସ୍: ନାଲିପାଣି ନିଶା ପାଇଁ ନିଜକୁ ଅଟକାଇ ପାରିଲେନାହିଁ ଗ୍ରାହକ। ଶେଷରେ ଦୋକାନ ସମ୍ମୁଖରେ ଭିଡ ଜମାଇଲେ ଗ୍ରାହକ। ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ରାୟଗଡା ସହର ଉମାଶଙ୍କର ଲେନ ନିକଟ ମଦ ଦୋକନରେ। ମଦ ନିଶା ପାଇଁ ଗ୍ରାହକ ଅନଲାଇନରେ ବୁକିଂ କରି କାଉଣ୍ଟରରୁ ଆସି ମଦ ନେଉଛନ୍ତି।
ତେବେ ଏହି ସମୟରେ ଗ୍ରାହକମାନେ ମଦ ଦୋକାନ ସମ୍ମୁଖରେ ଭିଡ଼ ଜମାଇ ସରକାରଙ୍କ ସମାଜିକ ଦୂରତ୍ୱ ନିୟକୁ ଖୋଲାଖୋଲି ଉଲଂଘନ କରୁଛନ୍ତି। ପରେ ଏ ସମ୍ପର୍କରେ ଖବର ପାଇ ଅବକାରୀ ବିଭାଗ ଅଧିକାରୀ ଓ ସ୍ଥାନୀୟ ପୁଲିସ ବଳ ଘଟଣାସ୍ଥଳରେ ପହଞ୍ଚିଥିଲେ। ପରିସ୍ଥିତି ଅଣଆୟତ ହୋଇଥିବା ଦେଖି ମଦ ଦୋକାନ କର୍ମଚାରୀଙ୍କୁ ଥାନାରେ ନେଇ ପଚରାଉଚରା ଚଳାଇଥିବା ଅବକାରୀ ଅଧିକ୍ଷକ ଡିପି ବେହେରା ସୂଚନା ଦେଇଛନ୍ତି।
ଏଥିସହ ଆସନ୍ତା କିଛି ଦିନ ମଧ୍ୟରେ ନୂତନ ପ୍ରକ୍ରିୟା ସହ ଲୋକ ସଂସ୍ଲିଷ୍ଟ ହେଲେ ଏଭଳି ସମସ୍ୟା ଦେଖାଯିବ ନାହିଁ ବୋଲି ଶ୍ରୀ ବେହେରା ସୂଚନା ଦେଇଛନ୍ତି। ରାଜ୍ୟ ସରକାରଙ୍କ ଘୋଷଣା କ୍ରମେ ଗତ ରବିବାର ଠାରୁ ସାରା ରାଜ୍ୟରେ ଅନଲାଇନ ଯୋଗେ ମଦ ବିକ୍ରିୟ ଆରମ୍ଭ ହୋଇଛି। ରାୟଗଡାରେ ଆଜି କିଛି ମଦ ଦୋକାନୀ ଅନଲାଇନରେ ମଦ ବିକ୍ରି କରିଥିବା ଦେଖିବାକୁ ମିଳିଛି।
