ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲାର କାଲିମେଳା ଥାନା ଅନ୍ତର୍ଗତ ବଟନିଗୁଡ଼ା ଗ୍ରାମର ଜଣେ ବୃଦ୍ଧଙ୍କ ଗୁରୁବାର ରାତ୍ରିରେ ଧାରୁଆ ଅସ୍ତ୍ରରେ ହାଣି ହତ୍ୟା କରାଯାଇଥିବା ଅଭିଯୋଗ ହୋଇଛି। ବଟନିଗୁଡ଼ା ଗ୍ରାମର ବୁଦ୍ଧ ଦେବା ମାଡ଼କାମି(୬୦) ନିଜର ଜମି ଖଳାରେ ଶୋଇଥିବା ବେଳେ କେହି ଦୁର୍ବୃତ୍ତ ଧାରୁଆ ଅସ୍ତ୍ରରେ ତାଙ୍କୁ ଆକ୍ରମଣ କରି ତାଙ୍କର ହତ୍ୟା କରିଛି।
ପରିବାର ଲୋକେ ସକାଳେ ଖଳାକୁ ଯିବା ପରେ ଘଟଣା ସମ୍ପର୍କରେ ଜଣାପଡ଼ିଥିଲା। ପୂର୍ବରୁ ଗ୍ରାମରେ ଗଛ ପଟା କାଟିବାକୁ ନେଇ କିଛି ଗୋଷ୍ଠୀ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ଏହି ଘଟଣାକୁ କେନ୍ଦ୍ରକରି ଏଭଳି ହତ୍ୟା କରାଯାଇଥାଏ ସନ୍ଦେହ କରାଯାଉଛି। ତେବେ କାଲିମେଳା ଏସ୍ଆଇ ତଥା ଦାୟିତ୍ୱରେ ଥିବା ଥାନା ଭାରପ୍ରାପ୍ତ ନିରୀକ୍ଷକ ଶେଷଦେବ ବେହେରା ସଦଳବଳେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି।
