ଖଇରା,ଏନ୍ଏନ୍ଏସ୍ : ଡାକ୍ତରଙ୍କୁ ଅସମ୍ମାନ ଅଭିଯୋଗରେ ୩ଗିରଫ। ଘଟଣାଟି ଘଟିଛି, ବାଲେଶ୍ୱର ଜିଲ୍ଲା ଖଇରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଜଣେ ଡାକ୍ତରଙ୍କ ପଛରେ ମନ୍ତବ୍ୟ ଦେବା ଅଭିଯୋଗରେ ଖଇରା ପୋଲିସ ପୁରୁଷୋତ୍ତମପୁର ଗ୍ରାମର ବାପା ଶଙ୍କର୍ଷଣ ସାହୁ ଓ ୨ ପୁଅ ଶ୍ରିକାନ୍ତ ଏବଂ ଅଶୋକଙ୍କ ନାମରେ ଏକ ମାମଲା ରୁଜୁ କରି ଗିରଫ କରିବା ସହି କୋର୍ଟ ଚାଲାଣ କରିଛନ୍ତି ।
ଘଟଣାରୁ ପ୍ରକାଶ ଯେ, ଶୁକ୍ରବାର ପୂର୍ବାହ୍ନରେ ବଡ ଭାଇ ଶ୍ରୀକାନ୍ତ ସାନଭାଇ ଅଶୋକକୁ ନେଇ ଡାକ୍ତର ବିଭୁଭୁଷଣ ମହାନ୍ତିଙ୍କୁ ଦେଖାଇବାକୁ ଆସିଥିଲେ । ହେଲେ ଡାକ୍ତର ସନ୍ଧ୍ୟାରେ ଆସିବାକୁ କହିବା ପରେ ସେମାନେ ଫେରିଯାଇ ପୁଣି ସନ୍ଧ୍ୟାରେ ଆସିଥିଲେ । ଡାକ୍ତର ଚାମ୍ବରରେ ନଥିବା ଦେଖି ପୁଣି ଫେରି ଯାଇଥିଲେ । ଯିବା ରାସ୍ତାରେ ସେମାନେ ଡାକ୍ତରଙ୍କ ଉଦ୍ଦେଶ୍ୟରେ କିଛି ସମାଲୋଚନା ମୂଳକ ମନ୍ତବ୍ୟ ଦେଇଥିଲେ । ମାତ୍ର ଏତିକି କଥାରେ ଡାକ୍ତର ଥାନାକୁ ଜଣାଇଥିଲେ । ଡାକ୍ତର ୨ ଭାଇଙ୍କୁ ଗିରଫ କରିବାର କିଛି ସମୟ ମଧ୍ୟରେ ବାପା ସଙ୍କର୍ଷଣ ଡାକ୍ତରଙ୍କୁ ଏ ସମ୍ପର୍କରେ ପଚାରିବାକୁ ଆସି ସେ ମଧ୍ୟ ଗିରଫର ଶିକାର ହୋଇଥିଲେ । ଛୋଟ ମୋଟ ଘଟଣାରେ ସାଧାରଣ ଲୋକଙ୍କୁ ଜେଲ ପଠାଯିବାକୁ ନେଇ ସାଧାରଣରେ ନାପସନ୍ଦ କରାଯାଇଛି ।
