ଆଜି ନୂତନ ପ୍ରଧାନ ବିଚାରପତି ଭାବେ ଶପଥ ନେଲେ ଜଷ୍ଟିସ ଏସ୍ ବୋବଡେ
ନୂଆଦିଲ୍ଲୀ,ଏଜେନ୍ସି: ଭାରତର ୪୭ତମ ପ୍ରଧାନ ବିଚାରପତି ଭାବେ ଜଷ୍ଟିସ୍ ଶରଦ ଅରବିନ୍ଦ ବୋବଡେ ସୋମବାର ରାଷ୍ଟ୍ରପତି ଭବନରେ ଶପଥ ଗ୍ରହଣ କରିଛନ୍ତି। ସକାଳ ୯ଟା ୩୦ରେ ରାଷ୍ଟ୍ରପତି ରାମନାଥ କୋବିନ୍ଦ ଜଷ୍ଟିସ ବୋବଡେଙ୍କୁ ଶପଥ ପାଠ କରାଇଛନ୍ତି। ପୂର୍ବତନ ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇ ଆଗାମୀ ପ୍ରଧାନ ବିଚାରପତି ପାଇଁ ଜଷ୍ଟିସ ବୋବଡେଙ୍କ ନାମ ସୁପାରିଶ କରିଥିଲେ। ଏହି ପରିପ୍ରେକ୍ଷୀରେ ଜଷ୍ଟିସ ବୋବଡେ ଆସନ୍ତା ୨୦୨୧ ଅପ୍ରେଲ ୨୩ ପର୍ଯ୍ୟନ୍ତ ୧୭ମାସ ପାଇଁ ପ୍ରଧାନ ବିଚାରପତି ଭାବେ କାର୍ଯ୍ୟ କରିବେ।
ତେବେ ୧୯୫୬ ମସିହା ଏପ୍ରିଲ ୨୪ ତାରିଖ ଦିନ ନାଗପୁରରେ ଜନ୍ମିତ ଜଷ୍ଟିସ୍ ବୋବ୍ଡେ ସ୍ନାତକ ଶେଷ କରି ନାଗପୁର ବିଶ୍ୱବିଦ୍ୟାଳୟରୁ ଆଇନରେ ଡିଗ୍ରି ହାସଲ କରିଥିଲେ। ୧୯୭୮ ମସିହାରେ ସେ ମହାରାଷ୍ଟ୍ର ବାର୍ କାଉନ୍ସିଲ୍ର ରୋଲ୍ରେ ଏନ୍ରୋଲ୍ ହୋଇ ୧୯୯୮ରେ ବରିଷ୍ଠ ଆଡ୍ଭୋକେଟ୍ ମାନ୍ୟତା ପାଇଥିଲେ।
#WATCH Delhi: Justice Sharad Arvind Bobde takes oath as the 47th Chief Justice of India. He succeeds Justice Ranjan Gogoi. pic.twitter.com/Spb5Eys5KS
— ANI (@ANI) November 18, 2019