ନୂଆଦିଲ୍ଲୀ: ଗାଜାରେ ଇସ୍ରାଏଲର ବୋମା ମାଡ଼ ମଧ୍ୟରେ ହଜାରେ ସଂଖ୍ୟାରେ ଲୋକଙ୍କ ମୃତ୍ୟୁ ଘଟିଛି । ଏହାସତ୍ତ୍ୱେ ବି ବାଇଡେନ ପ୍ରଶାସନ ଇସ୍ରାଏଲ ପାଇଁ ୩୨୦ ମିଲିୟନ ଡଲାରର ହଥିୟାର ଚୁକ୍ତିକୁ ଆଗକୁ ବଢ଼ାଇବାକୁ ନିଷ୍ପତ୍ତି ନେଇଛନ୍ତି । ଏହି ଚୁକ୍ତି ଅନ୍ତର୍ଗତ ଇସ୍ରାଏଲକୁ ସ୍ପାଇଶ ଫାମିଲି ଗାଇଡିଂ ବମ୍ବ ଏସେମ୍ବଲିଜ୍ ମିଳିବ । ଏହା ଏକ ପ୍ରକାରର ସ୍ମାର୍ଟ ବୋମା ଯାହାକି ଉଚ୍ଚ ସଠିକତା ପାଇଁ ଜଣାଯାଇଥାଏ ।
ଏହି ସ୍ମାର୍ଟ ବୋମା ପବନରୁ ଭୂମି ଉପରେ ମାଡ଼ କରୁଥିବା ବୋମା । ଏହାକୁ ରାଫେଲ ୟୁଏସଏ ଦ୍ୱାରା ବିକଶିତ କରାଯାଇଛି। ରାଫେଲ ୟୁଏସଏ ହେଉଛି ଇସ୍ରାଏଲର ସବୁଠୁ ପ୍ରମୁଖ ହଥିୟାର ନିର୍ମାତା ମଧ୍ୟରୁ ଗୋଟିଏ ଆମେରିକୀୟ ବ୍ରାଞ୍ଚ ।
