ନୂଆଦିଲ୍ଲୀ: ଭାରତରେ ଅଧିକାଂଶ ଲୋକ ରେଳଯାତ୍ରା ଉପରେ ନିର୍ଭର କରିଥାନ୍ତି । ରେଲୱେ ମଧ୍ୟ ସର୍ବଦା ନିଜ ଯାତ୍ରୀଙ୍କ ଯାତ୍ରାକୁ ସୁବିଧା କରିବା ପାଇଁ ନୂଆ ନୂଆ ପ୍ରୟାସ କରିଥାଏ । ଏହିକ୍ରମରେ ରେଲୱେ ମାତୃ ଦିବସରେ ଲଖନଊ ମେଲରେ ‘ବେବି ବର୍ଥ’ ଯୋଡ଼ି ଦେଇଛି । ଫଳରେ ଛୋଟ ଶିଶୁଙ୍କ ସହ ଯାତ୍ରା କରୁଥିବା ମା’ଙ୍କୁ ଆଉ କୌଣସି ସମସ୍ୟାର ସମ୍ମୁଖୀନ ହେବାକୁ ପଡ଼ିବନି ।
ଆଗାମୀ ଦିନରେ ସବୁ ଟ୍ରେନରେ ବେବି ବର୍ଥ କରିବାକୁ ରେଲୱେ ଆଶା ରଖିଛି । ଯଦି କିଛି ଟ୍ରେନକୁ ଚୟନ କରି ବେବି ବର୍ଥ ଲଗାଯାଏ ତେବେ ଏହାକୁ ବୁକ୍ କରିବା ପାଇଁ ଯାତ୍ରୀଙ୍କୁ ଏକ ବିକଳ୍ପ ଦିଆଯିବ । ଫଳରେ ସେମାନେ ବେବି ବର୍ଥକୁ ଚୟନ କରିପାରିବେ । ତେବେ ଯେପର୍ଯ୍ୟନ୍ତ ଏହି ବିକଳ୍ପ ଆସିନାହିଁ ସେପେର୍ଯ୍ୟନ୍ତ ଲଖନଊ ମେଲର ଟିକେଟ ଯାଞ୍ଚ କରୁଥିବା ଅଧିକାରୀଙ୍କୁ କହି ଯାତ୍ରୀ ବେବି ବର୍ଥ ବିକଳ୍ପ ମାଗିପାରିବେ ।
