ଶ୍ରୀନଗର,ଏଜେନ୍ସି: ସୁରକ୍ଷା ବାହିନୀର ଯବାନମାନେ କୁଲଗାମ ଜିଲ୍ଲାରେ ସରପଞ୍ଚଙ୍କ ହତ୍ୟା ଅଭିଯୋଗରେ ୩ ଜଣ ଆତଙ୍କବାଦୀ ସମେତ ମୋଟ ୫ ଜଣଙ୍କୁ ଗିରଫ କରିଛନ୍ତି । ପୋଲିସ ମଙ୍ଗଳବାର ଏହି ସୂଚନା ଦେଇଛି । ପୋଲିସ ବିଭାଗର କାର୍ଯ୍ୟରତ ଜଣେ ମୁଖପାତ୍ର ଗଣମାଧ୍ୟମକୁ କହିଛନ୍ତି ଯେ, ଗତ ମାର୍ଚ୍ଚ ମାସରେ ଆତଙ୍କବାଦୀଙ୍କ ସହିତ ୫ ଜଣ ଅଭିଯୁକ୍ତ ସରପଞ୍ଚ ମହମ୍ମଦ ୟାକୁବ ଡାରଙ୍କୁ ହତ୍ୟା କରିଥିଲେ ।
ପୋଲିସ ମୁଖପାତ୍ର କହିଛନ୍ତି ଯେ, ତଦନ୍ତ ସମୟରେ ଜଣାପଡ଼ିଲା ଯେ, ହିଜବୁଲର ଏକ ସକ୍ରିୟ ଆତଙ୍କବାଦୀ ଫାରୁକ ଅହମଦ ଭଟକୁ ପାକିସ୍ତାନସ୍ଥିତ ଆତଙ୍କବାଦୀ ଆକାଓକୁ କୁଲଗାମରେ ପଞ୍ଚାୟତିରାଜ ପ୍ରତିଷ୍ଠାନର ସଦସ୍ୟକୁ ଟାର୍ଗେଟ କରିବା ପାଇଁ ନିର୍ଦ୍ଦେଶ ମିଳିଥିଲା । ଭଟ୍ଟ ନିଜ ଲକ୍ଷ୍ୟରେ ପହଞ୍ଚି ସକ୍ରିୟ ଆତଙ୍କବାଦୀ ରାଜା ନଦୀମ ରାଠେରକୁ ନିଜ ସହଯୋଗୀ ନାସିର ଅହମଦ ୱାନୀ, ଆଦିଲ ମଂଜୁର ଓ ମାଜିଦ ରାଠେରଙ୍କ ସହିତ ହତ୍ୟା କରିଥିଲେ ।
ବାରାମୂଲା ଜିଲ୍ଲାରେ ପୋଲିସ ଜୈଶ-ଏ-ମହମ୍ମଦର ସଂଗଠନର ୨ ଜଣ ଆତଙ୍କବାଦୀଙ୍କୁ ଗିରଫ କରିଛି । ସେମାନଙ୍କ ଠାରୁ ଗୁଳି-ବନ୍ଧୁକ ଜବତ ହୋଇଛି । ଜଣେ ଅଧିକାରୀଙ୍କ କହିବା ଅନୁସାରେ ଗୁଇନ୍ଦା ସୂଚନା ଆଧାରରେ ଆତଙ୍କବାଦୀଙ୍କ ନିକଟରେ ପୋଲିସ ପହଞ୍ଚିଥିଲା ।
