ସମ୍ବଲପୁର,ଏନ୍ଏନ୍ଏସ୍: ପୁଣି ଖୋଲିଲା ହୀରାକୁଦ ଜଳ ଭଣ୍ଡାରର ଆଉ ୧୦ଟି ଗେଟ । ଶୁକ୍ରବାର ସୁଦ୍ଧା ୨୦ଟି ଗେଟ ଦେଇ ଜଳ ନିଷ୍କାସିତ ହେଉଥିବା ବେଳେ ଆଜି ୩୦ଟି ଗେଟ ଦେଇ ଜଳ ନିଷ୍କାସିତ ହେଉଛି । ହୀରାକୁଦ ଜଳଭଣ୍ଡାରର ମୋଟ ଜଳସ୍ଥର ୬ଶହ ୩୦ ଫୁଟ ଥିବା ବେଳେ ବର୍ତ୍ତମାନ ୬ଶହ ୧୬.୯୧ ଫୁଟରେ ରହିଛି ଜଳସ୍ତର । ବନ୍ୟାଜଳ ପ୍ରବେଶ ହେତୁ ଜଳସ୍ତର ବୃଦ୍ଧି ହୋଇଛି । ଡ୍ୟାମର ବାମ ପଟ ପାର୍ଶ୍ୱର ୨୨ଟି ଗେଟ୍ ଏବଂ ଦକ୍ଷିଣ ପାର୍ଶ୍ୱର ୮ଟି ଗେଟ୍ ଦେଇ ନିଷ୍କାସିତ ହେଉଛି ବନ୍ୟାଜଳ ।
ହୀରାକୁଦ ଜଳ ଉଣ୍ଡାରକୁ ଉପରମୁଣ୍ଡରୁ ସେକେଣ୍ଡ ପ୍ରତି ୪ଲକ୍ଷ ୩୫ ହଜାର ୩୦୩ କ୍ୟୁସେକ ଜଳ ପ୍ରବେଶ କରୁଥିବା ବେଳେ ମହାନଦୀକୁ ସେକେଣ୍ଡ ପ୍ରତି ୩ ଲକ୍ଷ ୪୯ ହଜାର ୪୯୮ କ୍ୟୁସକ ଜଳ ନିଷ୍କାସିତ ହେଉଛି । ଜଳସ୍ତର ବଢିବାରୁ ଗୁରୁବାର ଓ ଶୁକ୍ରବାର ପର୍ଯ୍ୟାୟ କ୍ରମେ ହୀରାକୁଦରେ ୨୦ଟି ଗେଟ ଖୋଲିଥିଲା ।
