ନୂଆଦିଲ୍ଲୀ: ମାଲଦ୍ୱୀପରେ ଛୁଟି ମନାଇବା ପରେ ଗୋଲ୍ଡେନ ବୟ ନୀରଜ ଚୋପ୍ରା ଦୁବାଇ ପହଂଚିଛନ୍ତି। ଦୁବାଇରେ ସେ ସ୍କାଇଡାଇବିଙ୍ଗର ମଜା ନେଉଥିବାର ଭିଡିଓ ଏବେ ସାମ୍ନାକୁ ଆସିଛି। ନୀରଜ ଏହି ଭିଡିଓ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି। ଭିଡିଓ ସେୟାର କରି ନୀରଜ ଲେଖିଛନ୍ତି ଯେ, ‘ଉଡ଼ାଜାହାଜରୁ ଡେଇଁବାରେ ପ୍ରଥମେ ସମୟ ଲାଗିଲା କିନ୍ତୁ ପରେ ଖୁବ୍ ମଜା ଆସିଲା।’
ସୂଚନାଯୋଗ୍ୟ, ନୀରଜ ଚୋପ୍ରା ଯେଉଁ ଜାଭଲିନରେ ଟୋକିଓ ଅଲମ୍ପିକରେ ସ୍ୱର୍ଣ୍ଣ ପଦକ ଜିତିଥିଲେ ତାହାକୁ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଉପହାର ଦେଇଥିଲେ। ଆଉ ସେହି ଜାଭଲିନ ସର୍ବାଧିକ ମୂଲ୍ୟରେ ନିଲାମ ହୋଇଥିବା ନେଇ ସଂସ୍କୃତି ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
