ନୂଆଦିଲ୍ଲୀ: ଆଗ୍ରାର ସିକନ୍ଦରାସ୍ଥିତ କେମିକାଲ ଫ୍ୟାକ୍ଟ୍ରିରେ ବଡ଼ ଧରଣର ଅଗ୍ନିକାଣ୍ଡ ଘଟିଛି। ନିଆଁ ଲିଭାଇବା ପାଇଁ ଅଗ୍ନିଶମ ବିଭାଗର ଅନେକ ଗାଡ଼ି ଘଟଣାସ୍ଥଳରେ ଉପସ୍ଥିତ ରହିଛି। ବର୍ତ୍ତମାନ ସୁଦ୍ଧା ଘଟଣାରେ ପ୍ରାଣ ହରାଇଥିବା ଲୋକଙ୍କ ସମ୍ପର୍କରେ କୌଣସି ସୂଚନା ମିଳିପାରି ନାହିଁ। ନିଆଁ ଲାଗିବା କାରଣରୁ ଆଖପାଖ ଅଞ୍ଚଳରେ ହାହାକାର ଖେଳିଯାଇଛି।
ସିଟି ଆଗ୍ରାର ଏସପିଙ୍କ କହିବା ମୁତାବିକ, ସିକନ୍ଦରା କ୍ଷେତ୍ରରେ ଜୋତାରେ ଲଗାଯାଉଥିବା କେମିକାଲର ୨ଟି ଫ୍ୟାକ୍ଟ୍ରିରେ ନିଆଁ ଲାଗିଛି। ସିଏଫଓ ଓ ଅନ୍ୟ ଫୋର୍ସ ଘଟଣାସ୍ଥଳରେ ଉପସ୍ଥିତ ଅଛନ୍ତି। ମଥୁରାରୁ ଦମକାଳ ଗାଡ଼ି ଅଣାଯାଇଛି। ଆର୍ମି ଓ ବାୟୁସେନାର ମଧ୍ୟ ଉପଯୋଗ କରାଯାଉଛି।
