ପୁଣି ଦିଲ୍ଲୀରେ ଭୟାବହ ଅଗ୍ନିକାଣ୍ଡ, ୪ ତାଲା ବିଶିଷ୍ଟ କପଡ଼ା ଗୋଦାମରେ ନିଆଁ ଲାଗି ୯ ମୃତ

ଦିଲ୍ଲୀ,ଏଜେନ୍ସି: ଦିଲ୍ଲୀର କିରାଡି ଅଞ୍ଚଳର ଏକ ୪ତାଲା ବିଶିଷ୍ଟ କପଡ଼ା ଗୋଦାମରେ ନିଆଁ ଲାଗି ଘଟଣାସ୍ଥଳରେ ୯ଜଣଙ୍କ ମୃତ୍ୟୁ ଘଟିଛି। ସୂଚନା ଅନୁଯାୟୀ କିରାଡି ଇନ୍ଦର୍ ଏନକ୍ଲେଭରେ ଏକ ଚାରିମହଲା କୋଠାରେ ଲାଗିଲା ନିଆଁ । ଦମକଳ ବାହିନୀର ଜଣେ ଅଧିକାରୀଙ୍କ ମୁତାବକ ଏହି ଅଗ୍ନିକାଣ୍ଡରେ ୯ ଜଣ ଲୋକଙ୍କ ମୃତ୍ୟୁ ହୋଇଛି । ତେବେ ସର୍ଟ ସର୍କିଟ୍ ଯୋଗୁଁ ଅଗ୍ନିକାଣ୍ଡ ହୋଇଥିବା କୁହାଯାଉଛି।

ବିଲଡିଂର ତଳ ଗ୍ରାଉଣ୍ଡରେ ଥିବା ଗୋଦାମରେ ରବିବାର ବିଳମ୍ବିତ ରାତିରେ ନିଆଁ ଲାଗି ଯାଇଥିଲା । ଏହି ସମୟରେ ସେଠାରେ ୧୨ଜଣ ଉପସ୍ଥିତ ଥିଲେ। ଦମକଳ ବିଭାଗ ସେଠାରେ ପହଞ୍ଚି ନିଆଁକୁ ଆୟତ୍ତ କରିବା ସହ ଅଗ୍ନିକାଣ୍ଡରେ ବର୍ତ୍ତମାନ ୯ ଜଣଙ୍କ ମୃତ୍ୟୁ ହୋଇଥିବା ସୂଚନା ଦେଇଛି। ସେହିପରି ଆଗକୁ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ସାଧାରଣରେ କୁହାଯାଉଛି। ସେହିପରି ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

ମୃତକଙ୍କ ମଧ୍ୟରେ କୋଠା ମାଲିକ ତାଙ୍କ ପରିବାର ଏବଂ ଭଡାଟିଆମାନେ ରହିଛନ୍ତି ।