ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ କୁମ୍ଭାରବନ୍ଧ ଫାଣ୍ଡି ଅନ୍ତର୍ଗତ ଅଇଁଲାପାଲି ଗ୍ରାମ ପୋଖରୀରୁ ଏକ ଯୁବକଙ୍କ ମୃତଦେହ ପୁଲିସ ଉଦ୍ଧାର କରିଛି। ମୃତ ଯୁବକ ଜଣକ ଉକ୍ତ ଗ୍ରାମର ଅଜିତ ସା(୨୮) ବୋଲି କୁମ୍ଭାରବନ୍ଧ ଫାଣ୍ଡି ଅଧିକାରୀ ସରୋଜ ଦାନି ସୂଚନା ଦେଇଛନ୍ତି। ମିଳିଥିବା ରିପୋର୍ଟ ମୁତାବକ, ଗତକାଲି ସାଙ୍ଗସାଥୀଙ୍କ ସହ ଭୋଜି କରିବା ପାଇଁ ଅଜିତ ଘରୁ ବାହାରକୁ ଯାଇଥିଲେ। ହେଲେ ସେ ରାତିରେ ଘରକୁ ନଫେରିବାରୁ ସୋମବାର ସକାଳେ ତାଙ୍କ ପରିବାରବର୍ଗ ଫାଣ୍ଡିରେ ଅଭିଯୋଗ କରିଥିଲେ। ସେମାନଙ୍କ ଅଭିଯୋଗକୁ ଭିତ୍ତି କରି ଫାଣ୍ଡି ଅଧିକାରୀ ଖୋଜାଖୋଜି କରିବା ସହ ଲଖନପୁର ଓଡ୍ରାଫ ଟିମ ସହଯୋଗରେ ପୋଖରୀ ଭିତରୁ ଯୁବକଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଏହାସହ ଏକ ଅପମୃତ୍ୟୁ ମାମଲା ରୁୁଜୁ କରି ଅଜିତଙ୍କ ସାଙ୍ଗମାନଙ୍କୁ ପଚରାଉଚୁରା ଜାରି ରଖିଛି।
