ନୂଆଦିଲ୍ଲୀ: କରୋନା ବିରୋଧରେ ଜାରି ରହିଥିବା ଲଢ଼େଇରେ ଭାରତ ଆଜି ଏକ ନୂଆ ରେକର୍ଡ ସୃଷ୍ଟି କରିଛି। ଆଜି ପୁଣିଥରେ ଦିନକରେ ୧ କୋଟିରୁ ଅଧିକ ଲୋକଙ୍କୁ ଟିକା ଦିଆଯାଇଛି। ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାଭୀୟା ସୂଚନା ଦେଇଛନ୍ତି। ଏଥିସହିତ ମଣ୍ଡଭୀୟା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କଠାରେ ଆଭାର ବ୍ୟକ୍ତ କରିଛନ୍ତି।
ସୂଚନାଯୋଗ୍ୟ, ନିକଟରେ ଦିନକରେ ୧.୦୯ କୋଟିରୁ ଅଧିକ ଟିକାକରଣ ହୋଇଥିବାବେଳେ ଆଜି ତା’ଠାରୁ ଅଧିକ ହୋଇଛି। ଫଳରେ ୫ ଦିନରେ ୨ଥର ୧ କୋଟିରୁ ଅଧିକ ଟିକାକରଣ ହୋଇଥିବା ଜଣାପଡ଼ିଛି।
