ଶ୍ରୀନଗର,ଏଜେନ୍ସି: କାଶ୍ମୀରରେ ଆତଙ୍କବାଦ ବିରୋଧରେ ସୁରକ୍ଷା ବାହିନୀର ଅପରେସନ୍ ଜାରି ରହିଛି। ବିଳମ୍ବିତ ରାତିରେ ଶ୍ରୀନଗରର ସୋରା ଅଞ୍ଚଳରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଏକ ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି। ଏବେ ସେଠାରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି। ୨ ଆତଙ୍କବାଦୀଙ୍କ ମୃତଦେହ ଉଦ୍ଧାର କରିଛି ସୁରକ୍ଷା ବାହିନୀ।
ଏହି ଏନକାଉଣ୍ଟରରେ ଦୁଇଜଣ ସିଆରପିଏଫ୍ ଯବାନ ମଧ୍ୟ ଆହତ ହେବାର ଖବର ମିଳିଛି। ଗତ କିଛି ଦିନ ହେବ ବିଭିନ୍ନ ସ୍ଥାନରେ କ୍ରମାଗତ ଭାବରେ ଏନକାଉଣ୍ଟର ଚାଲିଥିଲା ଏବଂ ସୁରକ୍ଷା ବାହିନୀ ଅନେକ ଆତଙ୍କବାଦୀଙ୍କୁ ମାରି ଗଡାଇବାରେ ସକ୍ଷମ ହୋଇଥିଲେ। ଅନ୍ୟପଟେ ଜମ୍ମୁ କଶ୍ମୀର ପୁଲିସ ବାନ୍ଦିପୋରାରୁ ଆତଙ୍କବାଦୀଙ୍କ ଜଣେ ସହାୟକଙ୍କୁ ଗିରଫ କରିଛି। ଗୁଳି, ନକଲି ସିମ୍ ଏବଂ ନକଲି ଦଲିଲ ସମେତ ଅନେକ ଜିନିଷ ଉଦ୍ଧାର କରାଯାଇଛି।
