ପଦ୍ମପୁର,ଏନ୍ଏନ୍ଏସ୍: ପଦ୍ମପୁର ଉପଖଣ୍ଡ ପାଇକମାଲ ବ୍ଲକ୍ କେରମେଲାବାହାଲ ଗ୍ରାମରେ ଭାଲୁ ଆକ୍ରମଣରେ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି । ଆହତ ବ୍ୟକ୍ତି ଜଣକ କେରମେଲାବାହାଲ ଗ୍ରାମର ପ୍ରକାଶ ଚନ୍ଦ୍ର ନାଗ ବୋଲି ସୂଚନା ମିଳିଛି । ପ୍ରକାଶ ଆଜି ସକାଳେ ବିଲକୁ ଯାଇଥିବାବେଳେ ଭାଲୁ ତାଙ୍କୁ ଆକ୍ରମଣ କରିଥିଲା। ନିକଟସ୍ଥ ଜଙ୍ଗଳରୁ ଦୁଇଟି ଭାଲୁ ଗାଁକୁ ଚାଲିଆସିଥିବା ବେଳେ ପ୍ରକାଶ ତାଙ୍କ ହାବୁଡରେ ପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ପଦ୍ମପୁର ଏବଂ ପରେ ବୁର୍ଲା ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
