ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ବ୍ଲକ ଚିନାମାଳି ପଶି ପଞ୍ଚାୟତ ନୂଆପଡା ଗାଁ ନିକଟ ସୀତା ନଦୀରେ ଜଣେ ଅଜଣା ବ୍ୟକ୍ତିଙ୍କ ଶବ ଭାସୁଥିବା ଦେଖିବାକୁ ମିଳିଛି। ମୃତ ବ୍ୟକ୍ତିଙ୍କ ପରିଚୟ ମିଳିନଥିବା ବେଳେ ତାହା ହତ୍ୟା ନା ଆତ୍ମହତ୍ୟା ଜଣାପଡିନାହିଁ। ତେବେ ଗ୍ରାମର କିଛି ବ୍ୟକ୍ତି ନଦୀକୁ ଯାଇଥିବା ସମୟରେ ଏକ ଅଜଣା ବ୍ୟକ୍ତିର ଶବ ନଦୀରେ ଭାସୁଥିବାର ଦେଖିବାକୁ ପାଇଥିଲେ। ପରେ ଏ ସମ୍ପର୍କରେ ଘଟଗାଁ ପୁଲିସକୁ ଖବର ଦେବାରେ ପୁଲିସ ସେଠାରେ ପହଞ୍ଚି ଶବକୁ ପାଣିରୁ ଜବତ କରିଛି। ତେବେ ଖବର ଲେଖା ହେବା ପର୍ଯ୍ୟନ୍ତ ମୃତ ବ୍ୟକ୍ତିଙ୍କ ପରିଚୟ ମିଳିପାରି ନାହିଁ।
