କରୋନାରେ ଭୁବନେଶ୍ୱରରୁ ଆଜି ୨୨ ଆକ୍ରାନ୍ତ, ୧୫ ସୁସ୍ଥ
ଭୁବନେଶ୍ୱର,ଏନ୍ଏନ୍ଏସ୍: ଭୁବନେଶ୍ୱରରୁ ଆଜି ୨୨ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୩ଜଣ ହୋମ କ୍ୱାରେଣ୍ଟାଇନ ଓ ୧୯ଜଣ ସ୍ଥାନୀୟ ରହିଛନ୍ତି। ଅନ୍ୟପଟେ ୧୫ ଜଣ ଆକ୍ରାନ୍ତ ଆରୋଗ୍ୟ ଲାଭ କରିଥିବା ନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଚନ୍ଦ୍ରଶେଖରପୁର ମୈତ୍ରୀବିହାର ଅଂଚଳର ଜଣେ ୨୮ ବର୍ଷୀୟ ପୁରୁଷ ରହିଛନ୍ତି ଯାହାଙ୍କ ଟ୍ରାଭେଲ ହିଷ୍ଟ୍ରି କୋଲକାତା ରହିଛି। ଆଉ ଜଣେ ୨୯ ବର୍ଷୀୟ ରେଳ କର୍ମଚାରୀ ରହିଛନ୍ତି ଯିଏକି ଦିଲ୍ଲୀରୁ ଫେରି ହୋମ କ୍ୱାରେଣ୍ଟାଇନରେ ଥିଲେ। ଭିଏଏସ୍ଏସ୍ ନଗରର ଜଣେ ଯୁବକ ରହିଛନ୍ତି ଯିଏକି ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ।
ସେହିପରି ୧୯ଟି ସ୍ଥାନୀୟ ମାମଲା ମଧ୍ୟରୁ ୧୬ ଜଣ ଏକ ଘରୋଇ ହସ୍ପିଟାଲର କର୍ମଚାରୀ ଯେଉଁମାନେ କି ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ। ଆଉ ଏହି ୧୬ ଜଣଙ୍କ ମଧ୍ୟରୁ ୧୩ ଜଣ ମହିଳା ଓ ୩ ଜଣ ପୁରୁଷ କର୍ମଚାରୀ ରହିଛନ୍ତି। ଅନ୍ୟପଟେ ନିଳାଦ୍ରି ବିହାରର ୨ ଜଣ ଓ ଶୈଳଶ୍ରୀ ବିହାରର ଜଣେ କରୋନା ପଜିଟିଭ ଚିହ୍ନଟ ହୋଇଛନ୍ତି।
