କୋରାପୁଟ,ଏନ୍ଏନ୍ଏସ୍: କୋରାପୁଟ ଜିଲ୍ଲାରେ ୮୩ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ୩,୮୭୩କୁ ବୃଦ୍ଧି ପାଇଛି।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ କୋରାପୁଟ ପୌରାଞ୍ଚଳରୁ ୧୩, ଜୟପୁର ପୌରାଞ୍ଚଳରୁ ୩୫, ସୁନାବେଡ଼ା ପୌରାଞ୍ଚଳରୁ ୮, କୋରାପୁଟ ବ୍ଲକରୁ ୭, ଜୟପୁର ବ୍ଲକରୁ ୪, ବନ୍ଧୁଗାଁ ବ୍ଲକରୁ ୩ ଓ କୋଟପାଡ଼ ଏନଏସିରୁ ୨ଜଣ ରହିଛନ୍ତି। ଅନ୍ୟପଟେ ସେମିଲିଗୁଡ଼ା ବ୍ଲକରୁ ୪, ନନ୍ଦପୁର ଓ ନାରାୟଣପାଟଣାରୁ ୨ ଲେଖାଏଁ , କୁନ୍ଦୁରା ବ୍ଲକ ଓ ଲମତାପୁଟରୁ ଜଣେ ଲେଖାଏଁ ରହିଥିବା ନେଇ ଜିଲ୍ଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି। ସମ୍ପୃକ୍ତ ଆକ୍ରାନ୍ତଙ୍କ ମଧ୍ୟରୁ ଟିଏମସି କେନ୍ଦ୍ରରୁ ୩ଜଣ, ହୋମ୍ କ୍ୱାରେଣ୍ଟାଇନରୁ ୨୬ଜଣ ଓ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସି ୫୪ଜଣ ରହିଛନ୍ତି।
