ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲା ସଦର ମହକୁମାସ୍ଥିତ ଜେଲ ସାହିର ସନ୍ତୋଷ ଡାକୁଆଙ୍କ ବାଡ଼ିରୁ ଏକ ୬ ଫୁଟ ଲମ୍ବର ଅଜଗର ସାପ ଉଦ୍ଧାର କରାଯାଇଛି। ଆଜି ସକାଳେ ସାପଟି ସନ୍ତୋଷଙ୍କ କୁକୁଡା ଘର ନିକଟକୁ ଚାଲିଆସିଥିଲା। ଏନେଇ ସ୍ନେକ୍ ହେଲ୍ପ ଲାଇନର ସଦସ୍ୟ ସତ୍ୟଜିତ ଗୌଡ଼ଙ୍କୁ ଫୋନ କରିବାରୁ ସେ ତାଙ୍କ ସହଯୋଗୀ ବି.ବିଭୁତିଭୂଷଣଙ୍କ ସହ ପହଞ୍ଚି ସାପକୁ ଉଦ୍ଧାର କରିଥିଲେ। ପରେ ବନ ବିଭାଗକୁ ହସ୍ତାନ୍ତର କରାଯିବା ପରେ ସେମାନେ ଜଙ୍ଗଲରେ ଛାଡିବେ ବୋଲି ଶ୍ରୀ ଗୌଡ଼ କହିଛନ୍ତି।
