କୋରୁକୋଣ୍ଡା,ଏନ୍ଏନ୍ଏସ୍: ଚିତ୍ରକୋଣ୍ଡା ପୁଲିସକୁ ମିଳିଛି ଆଉ ଏକ ସଫଳତା। ଗତକାଲି ଚିତ୍ରକୋଣ୍ଡା ଥାନାଧିକାରୀ ସୂର୍ଯ୍ୟ ପ୍ରକାଶ ନାୟକଙ୍କ ନେତୃତ୍ୱରେ ଏକ ଟିମ ପାଟ୍ରୋଲିଙ୍ଗ କରୁଥିବାବେଳେ ରାଜସ୍ଥାନ ନମ୍ବର ଥିବା ଏକ ମାରୁତି ଭ୍ୟାନ ଏବଂ ବାଇକ୍ କୁ ଅଟକାଇ ଥିଲେ। ଯାଞ୍ଚପରେ ମାରୁତି ଭ୍ୟାନରୁ ୫୩ କିଲୋ ୭୦୦ ଗ୍ରାମ ଗଞ୍ଜେଇ ଜବତ କରିଥିଲେ। ଏହାସହ ସେମାନଙ୍କୁ ଠାରୁ ନଗଦ ୧୩,୦୨୦ ଟଙ୍କା, ଏଟିଏମ କାର୍ଡ ସହ ମୋବାଇଲ ଜବତ କରାଯାଇଥିଲା। ଗିରଫ ୪ ଜଣ ଅଭିଯୁକ୍ତ ମଧ୍ୟରୁ ରାଜସ୍ଥାନର କୋଟା ଜିଲ୍ଲାର ତିନିଜଣ ଇସିଲାମ ମହମଦ, ଶାଦତ ଖାନ ଓ ଅଦିଲ ଖାନ ବୋଲି ଜଣାପଡ଼ିଥିବାବେଳେ ଅନ୍ୟଜଣେ ଚିତ୍ରକୋଣ୍ଡା ବ୍ଲକ ଇସକାଲାମାମୁଡ଼ି ଗ୍ରାମର ପିରି ଆପାନା ବୋଲି ଜଣାପଡିଛି। ତେବେ ସେମାନେ ଏହି ଗଞ୍ଜେଇ ଚିତ୍ରକୋଣ୍ଡା ଅଞ୍ଚଳରୁ ରାଜସ୍ଥାନ କୁ ନେଉଥିବା କହିଛନ୍ତି। ଆଜି ୪ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ଥାନାଧିକାରୀ ସୂଚନା ଦେଇଛନ୍ତି।
