କୋରାପୁଟ,ଏନ୍ଏନ୍ଏସ୍ : ବୈପାରିଗୁଡ଼ା ପୁଲିସ ୨ଜଣ ଚୋରା ଗଞ୍ଜେଇ ଚାଲାଣକାରୀଙ୍କୁ ଗିରଫ କରି ସେମାନଙ୍କ ନିକଟରୁ ୫୧୧ କିଲୋଗ୍ରାମ ଗଞ୍ଜେଇ ଜବତ କରିଥିବା ପ୍ରବେସନାରୀ ଡିଏସପି ଅଂଶୁମାନ ଦ୍ୱିବେଦୀ ସୂଚନା ଦେଇଛନ୍ତି। ଗିରଫ ଯୁବକମାନେ ହେଲେ ବୈପାରିଗୁଡ଼ା ଥାନା ଜାମଝୋରି ଗ୍ରାମର ଭଗବାନ ଗୌଡ଼ ଓ ପ୍ରହଲ୍ଲାଦ ଖରା। ଭଗବାନ ଓ ପ୍ରହ୍ଲାଦ ବୈପାରିଗୁଡ଼ାର ମହୁଲିପୁଟ ଗ୍ରାମରୁ ଜୟପୁରକୁ ଏକ ମ୍ୟାକ୍ସ ପିକଅପ୍ ଭ୍ୟାନରେ ଚୋରା ଗଞ୍ଜେଇ ଚାଲାଣ କରୁଥିବାବେଳେ ପୁଲିସ ସେମାନଙ୍କୁ ଅଟକାଇ ଯାଞ୍ଚ୍ କରିବାରୁ ଗାଡ଼ିରୁ ଗଞ୍ଜେଇ ମିଳିଥିଲା। ପୁଲିସ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଡିଏସପି ଅଂଶୁମାନ ଦ୍ୱିବେଦୀ ସୂଚନା ଦେଇଛନ୍ତି।
