ଭଞ୍ଜନଗର,ଏନ୍ଏନ୍ଏସ୍ : ବାଥରୁମରେ କରଂଟେ ଲାଗି ଟଳି ପଡ଼ିଲେ ଜେଜେ ମା’ ନାତି। ଏଭଳି ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲ୍ଲା ବେଲଗୁଣ୍ଠା ଫାଣ୍ଡି କୋକଲୁଣ୍ଡା ଗାଁ’ରେ। ବାଥରୁମରେ ସର୍ଟ ସର୍କିଟ ଯୋଗୁ ବିଦ୍ୟୁତ ଆଘାତ ଲାଗିଥିବା ସୂଚନା ମିଳିଛି। ପ୍ରଥମେ ବାଥରୁମରେ ଜେଜେ ମା’କୁ କରେଂଟ ଲାଗିଥିଲା। ଏହାକୁ ଦେଖି ଘରେ ଥିବା ନାତି ବଂଚାଇବାକୁ ଚେଷ୍ଟା କରିୁଥିବା ସମୟରେ ତାକୁ ମଧ୍ୟ କରେଂଟର ଆଘାତ ଲାଗିଥିଲା। ଗୁରୁତର ଅବସ୍ଥାରେ ପରିବାର ଲୋକେ ଉଭୟଙ୍କୁ ସ୍ଥାନୀୟ ଡାକ୍ତରଖାନାକୁ ନେଇଯାଇଥିଲେ । ଫଳରେ ଭାଗ୍ୟର ବିଡ଼ମ୍ବନା ଡାକ୍ତର ଉଭୟ ଜେଜେ ମା’ ଓ ନାତିଙ୍କୁ ମୃତ ବୋଲି ଘୋଷଣା କରିଥିଲେ। ଏ ନେଇ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି।
