ବରଗଡ଼,ଏନ୍ଏନ୍ଏସ୍: ବରଗଡ଼ ଜିଲ୍ଲାରେ ପୁଣି ୧୦ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ୬୪୫କୁ ବୃଦ୍ଧି ପାଇଛି। ସେଥିମଧ୍ୟରୁ ୪୨୦ଜଣ ସୁସ୍ଥ ହୋଇ ଘରକୁ ଫେରଛନ୍ତି, ୩ ଜଣଙ୍କର ମୃତ୍ୟୁ ଘଟିଛି ଓ ୨୨୨ ଜଣ ଚିକିତ୍ସିତ ହେଉଛନ୍ତି ।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ୱାର୍ଡ ନମ୍ବର-୭ ବିଶିପଡ଼ା ଓ ପଦ୍ମପୁର ବ୍ଲକ ଭେଉଁରିଆରୁ ୨ଜଣ ଲେଖାଏଁ, ବରଗଡ଼ ପୌରାଞ୍ଚଳର ୱାର୍ଡ ନମ୍ବର-୧ କେଶବ ନଗର, ୱାର୍ଡ ନମ୍ବର-୨ ବେହେରା ଟିକ୍ରା, ୱାର୍ଡ ନମ୍ବର-୯ ଭିଏସଏସ ନଗର, ୱାର୍ଡ ନମ୍ବର-୧୮ ବାନ୍ଦୁଟିକ୍ରା, ଭେଡ଼େନ ବ୍ଲକ ବହଲପାଲ, ବରପାଲି ବ୍ଲକ ବଡଗାଁରୁ ଜଣେ ଲେଖାଏଁ କରୋନା ପଜିଟିଭ ଚିହ୍ନଟ ହୋଇଛନ୍ତି। ସମସ୍ତ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଥିବାବେଳେ ସଂପୃକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି ।
