ଭୁବନେଶ୍ବର,ଏନ୍ଏନ୍ଏସ୍: ଉତ୍ତର ପ୍ରଦେଶରେ ନଭେମ୍ବର ୧୦ରୁ ୧୭ ତମ ସିନିୟର ସୁପର ୭ କ୍ରିକେଟ୍ ଜାତୀୟ ଚାମ୍ପିଅନସିପ୍ ଆୟୋଜନ ହେବାକୁ ଯାଉଛି। ଏଥିରେ ଭାଗନେବା ପାଇଁ ଓଡ଼ିଶା ସୁପର ୭ କ୍ରିକେଟ୍ ସଂଘ ପକ୍ଷରୁ ୧୩ ଜଣିଆ ପୁରୁଷ ଦଳ ଘୋଷଣା କରାଯାଇଛି।
ଦଳରେ ସନ୍ତୋଷ କୁମାର ଗୌଡ଼ କୋଚ୍ ଦାୟିତ୍ବ ତୁଲାଉଥିବା ବେଳେ ହଟେଶ୍ୱର ଲେଙ୍କା ମ୍ୟାନେଜର ଭାବେ ମନୋନୀତ ହୋଇଥିବା ଓଡ଼ିଶା ସୁପର ୭ କ୍ରିକେଟ୍ ସଂଘ ସମ୍ଫାଦକ ହେମନ୍ତ କୁମାର ମହାରଣା ସୂଚନା ଦେଇଛନ୍ତି। ଏହି ଚାମ୍ପିୟନସିପ୍ ପାଇଁ ଓଡ଼ିଶା ଦଳ ୭ ତାରିଖରେ ଉତ୍ତର ପ୍ରଦେଶ ଗସ୍ତ କରିବ।
ଓଡ଼ିଶା ଦଳ: ଉପେନ୍ଦ୍ର ପ୍ରଧାନ (ଅଧିନାୟକ), ବି. ସନ୍ତୋଷ ପାତ୍ର, ମନୋଜ ଶବର, ସୁବ୍ରତ ଜେନା, ପ୍ରସାଦ ଜେନା, ଅରବିନ୍ଦ ଗୌଡ଼, ହେମନ୍ତ ଜାନି, ନରସିଂହ ତ୍ରିପାଠୀ, ରାଜେଶ ଜାନି (ୱିକେଟ ରକ୍ଷକ), ନରସିଂହ ନାଥ ସାହୁ, ପବିତ୍ର ଜାଲି, ମୁନା ବେହେରା, ଅର୍ଜୁନ ପଲେଇ।