ଭୁବନେଶ୍ୱର,ଏନ୍ଏନ୍ଏସ୍ : ରିଲ ଲାଇଫ ବା ପର୍ଦ୍ଦା ଉପରେ ସେ ଭୟଙ୍କର ଭିଲେନ, ମାତ୍ର ରିୟଲ ବା ବାସ୍ତବ ଜୀବନରେ ଜଣେ ନାୟକର ପରିଚୟ ଦେଇଛନ୍ତି ଅଭିନେତା ପ୍ରକାଶ ରାଜ। ପ୍ରକାଶଙ୍କ ହିରୋଗିରିର ଏକ ଉଦାହରଣ ଦେଖିବାକୁ ମିଳିଛି। ଲକଡାଉନରେ ସେ ଯଥା ସମ୍ଭବ ଲୋକଙ୍କୁ ସାହାଯ୍ୟ ସହଯୋଗ ଜାରି ରଖିଛନ୍ତି। ସୋସିଆଲ ମିଡିଆରେ ସେ ଏ ସମ୍ପର୍କିତ ଫଟୋ ପୋଷ୍ଟ କରିବା ପରେ ତାଙ୍କୁ ଚାରିଆଡ଼ୁ ପ୍ରଶଂସାର ସୁଅ ଛୁଟୁଛି। ଫଟୋରେ ଦେଖିବାକୁ ମିଳୁଛି ପ୍ରବାସୀ ଶ୍ରମିକମାନଙ୍କୁ ପ୍ରକାଶଙ୍କ ଫାର୍ମ ତରଫରୁ ଖାଦ୍ୟ ଓ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ବଣ୍ଟନ କରାଯାଉଛି। ଫଟୋ ପୋଷ୍ଟ କରିବା ସହ ପ୍ରକାଶ ଏଭଳି ଲୋକଙ୍କୁ ସହାୟତାର ହାତ ବଢ଼ାଇବା ପାଇଁ ଅନ୍ୟମାନଙ୍କୁ ନିବେଦନ କରିଛନ୍ତି। ଏହା ସହିତ କରୋନା ମହାମାରୀ ଭଳି ଘଡ଼ିସନ୍ଧି ସମୟରେ ଅନ୍ୟମାନଙ୍କୁ ସାହାଯ୍ୟ କରି ମାନବିକତାର ଉତ୍ସବ ପାଳିବାକୁ ଆହ୍ୱାନ ଦେଇଛନ୍ତି ପ୍ରକାଶ।
