ପ୍ଲାଜମା ଦାନକଲେ ଏନଡିଆରଏଫ ଯବାନ

ଭୁବନେଶ୍ୱର,ଏନ୍ଏନ୍ଏସ୍: କରୋନାରେ ଆକ୍ରାନ୍ତ ହୋଇ ଆରୋଗ୍ୟ ଲାଭ କରିଥିବା ଏନଡିଆରଏଫ୍ ଯବାନ ମାନେ  ଆଜି କଟକ ଏସସିବି ମେଡିକାଲରେ ପହଞ୍ଚି  ପ୍ଲାଜମା ଦାନ କରିଛନ୍ତି । ପ୍ଲାଜମା ଥେରାପି ଦ୍ୱାରା ରାଜ୍ୟରେ କିଛି ଗୁରୁତର ରୋଗୀ ସୁସ୍ଥ ହେଉଥିବାବେଳେ ଏହା କରୋନା ବିରୋଧୀ ଲଢଇରେ ଉପାଦେୟ ଅସ୍ତ୍ର ହେବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି।

Commend the @NDRFHQ and @OdishaFS_HGs_CD personnel for coming forward after recuperating to donate Plasma for the treatment of serious patients. This gesture will inspire other Covid patients to donate blood after recovery & help save precious lives. #OdishaCares

— Naveen Patnaik (@Naveen_Odisha) July 19, 2020

କରୋନା ସଂକ୍ରମଣରୁ ଆରୋଗ୍ୟ ଲାଭ କରିଥିବା ଆକ୍ରାନ୍ତମାନେ ପ୍ଲାଜମା ଦାନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅପିଲ କରିଛନ୍ତି। ଏହାଦ୍ୱାରା ମୂଲ୍ୟବାନ ଜୀବନ ରକ୍ଷା କରାଯାଇପାରିବ ବୋଲି ମୁଖ୍ୟମନ୍ତ୍ରୀ ଟ୍ୱିଟ କରିଛନ୍ତି ।  ସୂଚନାଯୋଗ୍ୟ, କୋଲକାତାର ଅମ୍ଫାନ ପୁନରୁଦ୍ଧାର କାର୍ଯ୍ୟରେ ସାମିଲ ହୋଇ ବହୁ ଏନଡିଆରଏଫ୍ ଯବାନ କରୋନାରେ ଆକ୍ରାନ୍ତ ହୋଇଥିଲେ। ସେମାନେ ସୁସ୍ଥ ହେବାପରେ ଆଜି ପ୍ଲାଜମା ଦାନ କରିଛନ୍ତି । ସୁସ୍ଥ ହୋଇଥିବା ସମସ୍ତ ଏନଡିଆରଏଫ ଯବାନ ପ୍ଲାଜମା ଦାନ କରିବାକୁ ଇଚ୍ଛୁକ ବୋଲି ଏନଡିଆରଏଫ୍ ଇନ୍ସପେକ୍ଟର କହିଛନ୍ତି ।