ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅକ୍ଟୋବର ୭ ତାରିଖରେ ଉତ୍ତରାଖଣ୍ଡ ଗସ୍ତ କରିବେ। ଅକ୍ଟୋବର ୭ ତାରିଖରେ ହିଁ ମୋଦୀ ସାମ୍ବିଧାନିକ ପଦରେ ୨୦ ବର୍ଷ କାର୍ଯ୍ୟକାଳ ପୂରଣ କରିବେ। ଏହି ଅବସରରେ ମୋଦୀ ଉତ୍ତରାଖଣ୍ଡର ଜୋଲୀଗ୍ରାଣ୍ଟ ଏୟାରପୋର୍ଟ ଟର୍ମିନାଲର ଲୋକାର୍ପଣ ସହ ଋିଷିକେଶ ଏମ୍ସରେ ଅକ୍ସିଜେନ ପ୍ଲାଣ୍ଟର ଉଦଘାଟନ କରିବେ। ଏଥିସହିତ ମୋଦୀ କେଦାରନାଥ ଯାତ୍ରା ମଧ୍ୟ କରିପାରନ୍ତି ବୋଲି ସୂଚନା ମିଳିଛି।
ସୂଚନାଯୋଗ୍ୟ, ଉତ୍ତରାଖଣ୍ଡରେ ୨୦୨୨ରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଥିଲାଗି ବିଜେପି ଖୁବ୍ ଆଗରୁ ପ୍ରସ୍ତୁତି ଆରମ୍ଭ କରିଦେଇଛି। ଏହି ଦୃଷ୍ଟିରୁ ମୋଦୀଙ୍କ ଉତ୍ତରାଖଣ୍ଡ ଗସ୍ତ ବେଶ୍ ଜରୁରୀ। ସେହିପରି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅକ୍ଟୋବର ୧ ତାରିଖରେ ପେଶୱାର ବିଦ୍ରୋହର ନାୟକ ବୀରଚନ୍ଦ୍ର ସିଂହ ଗଡ଼ବାଲୀଙ୍କ ପ୍ରତିମା ଲୋକାର୍ପଣ କରିବା ପାଇଁ ଉତ୍ତରାଖଣ୍ଡ ଯିବେ।
