ଚଣ୍ଡିଗଡ଼, ଏଜେନ୍ସି: ବର୍ତ୍ତମାନ କରୋନା ଆକ୍ରାନ୍ତ ନେତାଙ୍କ ତାଲିକାରେ ସାମିଲ୍ ହୋଇଛନ୍ତି ହରିୟାଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର। ସେ ସୋମବାର ନିଜ କୋଭିଡ୍ ଟେଷ୍ଟ କରିଥିବା ବେଳେ ରିପୋର୍ଟ ପଜିଟିଭ୍ ଆସିଛି। ଏ ସମ୍ପର୍କରେ ସେ ଟ୍ୱିଟ୍ ଯୋଗେ ସୂଚନା ଦେବା ସହ ଗତ ଏକ ସପ୍ତାହ ମଧ୍ୟରେ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ସହଯୋଗୀ ଏବଂ ସହକର୍ମୀଙ୍କୁ କୋଭିଡ୍ ଟେଷ୍ଟ କରିବାକୁ ଆବେଦନ ମଧ୍ୟ କରିଛନ୍ତି। କରୋନା ଆକ୍ରାନ୍ତ ଥିବା କେନ୍ଦ୍ର ପାନୀୟଜଳ ମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ ସହ ଏକ ବୈଠକରେ ଶ୍ରୀ ଖଟ୍ଟର ସାମିଲ୍ ହୋଇଥିଲେ। ଗଜେନ୍ଦ୍ର ସିଂ ଶେଖାୱତ କରୋନା ଆକ୍ରାନ୍ତ ହେବା ପରେ ଶ୍ରୀ ଖଟ୍ଟର ନିଜକୁ କ୍ୱାରେଣ୍ଟାଇନରେ ରଖିଥିଲେ। ସୂଚନାଯୋଗ୍ୟ ହରିୟାଣା ବିଧାନସଭା ବାଚସ୍ପତି ଜ୍ଞାନଚନ୍ଦ୍ର ଗପ୍ତା, ବିଜେପିର ଦୁଇଜଣ ବିଧାୟକ ମଧ୍ୟ ସୋମବାର କରୋନା ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ଗୃହ ଏବଂ ସ୍ୱାସ୍ଥ୍ୟମନ୍ତ୍ରୀ ଅନୀଲ୍ ବିଜ ସୂଚନା ଦେଇଛନ୍ତି।
