ସୁରଟ,ଏଜେନ୍ସି: ଗୁଜରାଟର ସୁରଟରେ ଥିବା ରଘୁବୀର ମାର୍କେଟରେ ମଙ୍ଗଳବାର ସକାଳେ ଭୟାବହ ଅଗ୍ନିକାଣ୍ଡ ହୋଇଛି। ଆଜି ସକାଳେ ମାର୍କେଟର ଏକ ବଡ଼ କୋଠାରେ ନିଆଁ ଲାଗିଯାଇଥିବାବେଳେ ଏହାକୁ ଲିଭାଇବା ପାଇଁ ୫୭ଟି ଦମକଳ ଗାଡ଼ି ନିୟୋଜିତ ହୋଇଛି। ସୂଚନା ଅନୁସାରେ ଉକ୍ତ ବିଲ୍ଡ଼ିଂର ୧୦ ମହଲାରେ ନିଆଁ ଲାଗିଥିବା ବେଳେ ୧୪ମହଲାରେ କପଡ଼ା ଗୋଦାମ ରହିଛି।
ନିଆଁ ଅନ୍ୟତ୍ର ନ ବ୍ୟାପୁ ସେ ନେଇ ଅଗ୍ନିଶମ ବିଭାଗ ପକ୍ଷରୁ ୫୭ଟି ଦମକଳ ଗାଡ଼ିରେ ନିଆଁ ଲିଭା କାର୍ଯ୍ୟ ଜାରି ରହିଛି। ଏହି ଅଗ୍ନିକାଣ୍ଡରେ କେଣସି ଜୀବନ ହାନି ହୋଇନଥିବା ବେଳେ ବ୍ୟାପକ କ୍ଷୟକ୍ଷତି ହୋଇଛି। ତେବେ ଅଗ୍ନିକାଣ୍ଡର ପ୍ରକୃତ କାରଣ ଅସ୍ପଷ୍ଟ ଥିବା ବେଳେ ନିଆଁ ଲିଭା କାର୍ଯ୍ୟ ଜାରି ରହିଛି।
