ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ବଢୁଛି କରୋନା ଆକ୍ରାନ୍ତଙ୍କ ସଂଖ୍ୟା। ଆଜି ଗୋଟିଏ ଦିନରେ ଆଉ ୭୬ ନୂଆ କରୋନା ଆକ୍ରାନ୍ତ ଚିହ୍ନଟ। ଏ ନେଇ ସୂଚନା ଦେଲା ରାଜ୍ୟ ସ୍ୱାସ୍ଥ ଓ ପରିବାର କଲ୍ୟାଣ ବିଭାଗ। ଆଜି ଚିହ୍ନଟ ହୋଇଥିବା ୭୬ ନୂଆ କରୋନା ରୋଗୀଙ୍କୁ ମିଶାଇ ରାଜ୍ୟରେ ବର୍ତ୍ତମାନ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୫୯୩ରେ ପହଁଞ୍ଚିଛି। ଏଥିରୁ ୭୪ ଜଣ ସଂଗରୋଧ କେନ୍ଦ୍ରର ଥିବାବେଳେ ୨ଜଣ ସ୍ଥାନୀୟ ଅଞ୍ଚଳର।
ଏହି ୭୬ ଜଣଙ୍କ ମଧ୍ୟରେ ଗଞ୍ଜାମରୁ ୧୦ ଜଣ, ବାଲେଶ୍ୱରରୁ ୨ ଜଣ, ଖୋର୍ଦ୍ଧାରୁ ୧୩ ଜଣ, କଟକରୁ ୧୧ ଜଣ, ବଲାଙ୍ଗିରରୁ ୧୬ ଜଣ, ନୟାଗଡ଼ରୁ ୨ ଜଣ, ଜଗତସିଂହପୁରରୁ ୬ ଜଣ, ସୁନ୍ଦରଗଡ଼ରୁ ୨ ଜଣ, ମୟୁରଭଞ୍ଜରୁ ଜଷର ଓ ନୂଆପଡ଼ାରୁ ୧୩ ଜଣ ରହିଛନ୍ତି। ଏଥିସହିତ ମୋଟ ଆକ୍ରାନ୍ତଙ୍କ ମଧ୍ୟରୁ ୭୭୩ ଜଣ ସୁସ୍ଥ ଥିବା ହେଲେ ୮୧୩ ଜଣ ଆକ୍ରାନ୍ତ ସକ୍ରିୟ ରହିଛନ୍ତି। ସେହିପରି କରୋନାରେ ରାଜ୍ୟରେ ୭ ଜଣଙ୍କ ମୃତ୍ୟୁ ହୋଇଛି।
