ଆଜି ଭୁବନେଶ୍ୱରରୁ ୨୯୫ କରୋନା ପଜିଟିଭ ଚିହ୍ନଟ, ବିସ୍କୁଟ କାରଖାନାରୁ ୨୮

ଭୁବନେଶ୍ୱର,ଏନ୍ଏନ୍ଏସ୍ : ଆଜି ରାଜଧାନୀ ଭୁବନେଶ୍ୱରରୁ ୨୯୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଭୁବନେଶ୍ୱରରେ ମୋଟ ସଂକ୍ରମିତଙ୍କ ସଂଖ୍ୟା ୭୦୧୫କୁ ବୃଦ୍ଧି ପାଇଛି। ଏନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି। ସେହିଭଳି ଭୁବନେଶ୍ୱରରେ ୪୨୧୯ଜଣ ଆକ୍ରାନ୍ତ ସୁସ୍ଥ ହୋଇ ଫେରିଥିବାବେଳେ ୩୩ଜଣଙ୍କର ମୃତ୍ୟୁ ହୋଇଛି।

Update on newly detected & cured #COVID19 cases in the last 24 hrs under the BMC area on 22nd Aug 2020(till 9am).

Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/QcO5sCyJRk

— BMC (@bmcbbsr) August 22, 2020

୨୭୫୪ଟି ଆକ୍ଟିଭ କେସ ରହିଛି। ଆଜିର ଆକ୍ରାନ୍ତଙ୍କ ମଧ୍ୟରୁ ୧୫୩ଜଣ କ୍ୱାରେଣ୍ଟାଇନରୁ ଚିହ୍ନଟ ହୋଇଥିବାବେଳେ ୧୪୨ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି। ଅନ୍ୟପକ୍ଷରେ ଆଜି ଭୁବନେଶ୍ୱରରୁ ୧୫୮ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ସ୍ଥାନୀୟ ଆକ୍ରାନ୍ତଙ୍କ ମଧ୍ୟରୁ ଚନ୍ଦକାର ଏକ ବିସ୍କୁଟ କାରଖାନାରୁ ୨୮ ଜଣ ପଜିଟିଭ ଚିହ୍ନଟ ହୋଇଛନ୍ତି। ସେହିଭଳି ପୁଲିସ ସିକ୍ୟୁରିଟି ୱିଂଗରୁ ୩୨ଜଣ, ରସୁଲଗଡରୁ ୪ଜଣ, ବିଜେବି ନଗରରୁ ୩ ଜଣ ଏବଂ ପଟିଆ କିଟ୍ କ୍ୟାମ୍ପସରୁ ୧୧ଜଣ ଚିହ୍ନଟ ହୋଇଛନ୍ତି।