ମାର୍କ କାର୍ନିଙ୍କ ସହ ନୀତା ଓ ମୁକେଶ ଅମ୍ବାନୀଙ୍କ ସୌଜନ୍ୟମୂଳକ ସାକ୍ଷାତ
କାନାଡା ପ୍ରଧାନମନ୍ତ୍ରୀ ମାର୍କ କାର୍ନିଙ୍କ ସହ ନୀତା ଓ ମୁକେଶ ଅମ୍ବାନୀଙ୍କ ସୌଜନ୍ୟମୂଳକ ସାକ୍ଷାତ
ଭାରତ ଗସ୍ତରେ ଆସିଥିବା କାନାଡା ପ୍ରଧାନମନ୍ତ୍ରୀ ମାର୍କ କାର୍ନି ଓ ତାଙ୍କ ପତ୍ନୀ ଶ୍ରୀମତୀ ଡାଏନା ଫକ୍ସ କାର୍ନିଙ୍କୁ ରିଲାଏନ୍ସ ଇଣ୍ଡଷ୍ଟ୍ରିଜ୍ ମାଲିକ ମୁକେଶ ଅମ୍ବାନୀ ଏବଂ ପତ୍ନୀ ଶ୍ରୀମତୀ ନୀତା ଅମ୍ବାନୀ ସୋମବାର ସୌଜନ୍ୟମୂଳକ ସାକ୍ଷାତ କରିଛନ୍ତି। ଅମ୍ବାନୀ ଦମ୍ପତି ମୁମ୍ବାଇସ୍ଥିତ ବାସଭବନରେ କାର୍ନି ଦମ୍ପତ୍ତିଙ୍କୁ ଏକ ଉଷ୍ମ ଏବଂ ସୌଜନ୍ୟମୂଳକ ଅପରାହ୍ଣରେ ଆତିଥ୍ୟ ପ୍ରଦାନ କରିଥିଲେ। ଏହି ଅବସରରେ ଲୋକସଙ୍ଗୀତ ଏବଂ ଶାସ୍ତ୍ରୀୟ ନୃତ୍ୟ ପ୍ରଦର୍ଶନ ମାଧ୍ୟମରେ ସେମାନଙ୍କୁ ଭବ୍ୟ ସ୍ୱାଗତ କରାଯାଇଛି। ଏହା ଭାରତର ସମୃଦ୍ଧ କଳାତ୍ମକ ପରମ୍ପରାକୁ ପାଳନ କରି ଏତିହ୍ୟ, ବନ୍ଧୁତା ଏବଂ ସାଂସ୍କୃତିକ ଆଦାନ ପ୍ରଦାନ ପ୍ରତି ସମାନ କୃତଜ୍ଞତାକୁ ପ୍ରତିଫଳିତ କରିଥିଲା।