ପଶ୍ଚିମ ବଙ୍ଗଳା ମୁଖ୍ୟମନ୍ତ୍ରୀଙ୍କ ୪ ଦିନିଆ ଓଡ଼ିଶା ଗସ୍ତ, ଶ୍ରୀଜଗନ୍ନାଥଙ୍କୁ ଦର୍ଶନ କଲେ

ପୁରୀ,ଏନ୍ଏନ୍ଏସ୍: ପୁରୀରେ ଜଗନ୍ନାଥଙ୍କୁ ଦର୍ଶନ କଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ମହାପ୍ରଭୁଙ୍କ ଦର୍ଶନ ପରେ ଶାନ୍ତି ମିଳିଲା, ବହୁତ ଖୁସି ଲାଗିଲା ଦେଶରେ ଶାନ୍ତି ବଜାୟ ରହୁ, ବନ୍ଧୁତ୍ୱପୂର୍ଣ୍ଣ ପରିବେଶ ସୃଷ୍ଟି ହେଉ, ଦେଶରେ ହିଂସାଜନକ ସ୍ଥିତି ଠିକ୍ ନୁହେଁ, ନବୀନ ପଟ୍ଟନାୟକ ହେଉଛନ୍ତି ମୋର ବନ୍ଧୁ ବୋଲି ମମତା କହିଛନ୍ତି।

୪ ଦିନିଆ ଓଡ଼ିଶା ଗସ୍ତରେ ଆସି ମଙ୍ଗଳବାର ସେ ପୁରୀ ଯାତ୍ରା କରିଥିଲେ। ୩ ଦିନ ଧରି ସେ ପୁରୀରେ ଅବସ୍ଥାନ କରିବେ ବୋଲି ଜଣାପଡ଼ିଛି। ତାଙ୍କ ନିରାପତ୍ତା ଲାଗି କଡ଼ା ପୁଲିସ୍‍ ବ୍ୟବସ୍ଥା କରାଯାଇଛି।

ଗୁରୁବାର ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରି ବିଭିନ୍ନ ପ୍ରସଙ୍ଗରେ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଆସନ୍ତା ୨୮ ତାରିଖରେ ଭୁବନେଶ୍ବରରେ ସ୍ବରାଷ୍ଟ୍ରମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ପୂର୍ବାଞ୍ଚଳ ଜୋନାଲ୍‍ କାଉନ୍‍ସିଲ୍‍ ବୈଠକରେ ମଧ୍ୟ ସେ ଯୋଗଦେବେ।