ମୁମ୍ବାଇ: ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ସହ ଜଡ଼ିତ ଡ୍ରଗ୍ସ ମାମଲାରେ ଅଭିଯୁକ୍ତ ରିୟା ଚକ୍ରବର୍ତ୍ତୀଙ୍କୁ ମୁମ୍ବାଇ ଅଦାଲତରୁ ଆଶ୍ୱସ୍ତି ମିଳିଛି । କୋର୍ଟ ରିୟାଙ୍କୁ ସର୍ତ୍ତ ସହ ବିଦେଶ ଯିବାକୁ ଅନୁମତି ପ୍ରଦାନ କରିଛନ୍ତି । ରିୟାଙ୍କୁ ଅବୁଧାବୀର ଭାରତୀୟ ଦୂତବାସକୁ ଯାଇ ଉପସ୍ଥାନ ଦର୍ଶାଇବାକୁ ପଡ଼ିବ ଏବଂ ଉପସ୍ଥାନ ପତ୍ରକୁ ଜୁନ୍ ୬ରେ କୋର୍ଟରେ ଦେବାକୁ ହେବ। ଏଥିସହିତ ଅତିରିକ୍ତ ସିକ୍ୟୁରିଟି ପାଇଁ କୋର୍ଟ ରେଜିଷ୍ଟ୍ରୀରେ ୧ ଲକ୍ଷ ଟଙ୍କା ଜମା କରିବାକୁ ପଡ଼ିବ ।
ସୂଚନାଯୋଗ୍ୟ, ଏନସିବି ଡ୍ରଗ୍ସ ମାମଲାରେ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଥିଲା । ଆଇଫା ଆୱର୍ଡ ଲାଗି ରିୟାଙ୍କୁ ଜୁନ୍ ୨ରୁ ଜୁନ୍ ୮ ପର୍ଯ୍ୟନ୍ତ ଆବୁଧାବୀ ଯିବାର ଅଛି । ସେଥିପାଇଁ ତାଙ୍କୁ ତାଙ୍କ ପାସପୋର୍ଟ ଦିଆଯାଉ ବୋଲି କୋର୍ଟରେ ରିୟାଙ୍କ ଓକିଲ ଆବେଦନ କରିଥିଲେ ।
