ଝାରସୁଗୁଡ଼ା,ଏନ୍ଏନ୍ଏସ୍:ଝାରସୁଗୁଡ଼ା ଜିଲ୍ଲା ମୁଙ୍ଗାପଡ଼ାରୁ ଏକ ବିରଳ ଧଳା କାଉ ବନ ବିଭାଗ ଉଦ୍ଧାର କରିଛି। କାଉଟି ସାମାନ୍ୟ ଅସୁସ୍ଥ ଥିବାରୁ ଝାରସୁଗୁଡ଼ା ରେଞ୍ଜ ଅଫିସରେ ରଖି ଚିକିତ୍ସା କରାଯାଇଛି। ସୁସ୍ଥ ହେବାପରେ ଡିଏଫଓଙ୍କ ନିର୍ଦ୍ଦେଶ କ୍ରମେ ଜଙ୍ଗଲରେ ଛାଡି ଦିଆଯିବ ବୋଲି ଫରେଷ୍ଟର ରମେଶ ନାଥ ସୂଚନା ଦେଇଛନ୍ତି। ସୂଚନା ଅନୁସାରେ, ବୁଧବାର ସଂଧ୍ୟାରେ ମୁଙ୍ଗାପଡ଼ା ନିବାସୀ ଦିନେଶ ସୋନିଙ୍କ ଘର କାନ୍ଥରେ ଏକ ଧଳାକାଉ ବସିଥିବା ଦେଖି କଳା ରଙ୍ଗର କାଉମାନେ ଆକ୍ରମଣ କରିଥିଲେ। ଏହାଦେଖି ସୋନି କଳାକାଉଙ୍କୁ ଘଉଡାଇବା ସହ ବନବିଭାଗକୁ ଖବର ଦେଇଥିଲେ। ବନ ବିଭାଗ କର୍ତ୍ତୃପକ୍ଷ ଧଳା କାଉକୁ ଉଦ୍ଧାର କରି ରେଞ୍ଜ ଅଫିସକୁ ନେଇଛନ୍ତି।
