ଛତିଶଗଡ଼: ଛତିଶଗଡ଼ରେ ବିଧାନସଭା ନିର୍ବାଚନ ପୂର୍ବରୁ ସମସ୍ତ ରାଜନୈତିକ ଦଳ ଓ ନେତା ଜୋରଦାର ପ୍ରସ୍ତୁତି ଚଲାଇଛନ୍ତି। ଇତିମଧ୍ୟରେ ଆମ ଆଦମି ପାର୍ଟି ମଧ୍ୟ ପ୍ରସ୍ତୁତି ଚଲାଇଛି । ଏହିକ୍ରମେ ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ ଓ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ ଛତିଶଗଡ଼ ପହଞ୍ଚିଛନ୍ତି । ନିର୍ବାଚନ ପୂର୍ବରୁ ଛତିଶଗଡ଼ବାସୀଙ୍କୁ କେଜ୍ରିୱାଲ ଅନେକ ପ୍ରତିଶ୍ରୁତି ଦେଇଛନ୍ତି । ଏଥିରେ ରୋଜଗାର, ବିଜୁଳି, ମହିଳା, ଶିକ୍ଷା ଓ ସ୍ୱାସ୍ଥ୍ୟ ପ୍ରମୁଖ ସାମିଲ ରହିଛି ।
ସମସ୍ତ ବେରୋଜଗାରଙ୍କୁ ରୋଜଗାର ପ୍ରଦାନ କରାଯିବ । ଯେପର୍ଯ୍ୟନ୍ତ ଚାକିରି ମିଳିନି ମାସକୁ ୩ ହଜାର ଟଙ୍କା ବେରୋଜଗାର ଭତ୍ତା ମିଳିବ । ପାଖାପାଖି ୧୦ ଲକ୍ଷ ବେରୋଜଗାରୀଙ୍କୁ ସରକାରୀ ଚାକିରିରେ ଭର୍ତ୍ତି କରାଯିବ । ଦିଲ୍ଲୀ ଓ ପଞ୍ଜାବ ଭଳି ଛତିଶଗଡ଼ରେ ପ୍ରତି ମାସ ପ୍ରତ୍ୟେକ ଘରକୁ ୩୦୦ ୟୁନିଟ ବିଜୁଳି ମାଗଣାରେ ଦିଆଯିବ । ପ୍ରତି ଗାଁ ଓ ସହରରେ ୨୪ ଘଣ୍ଟା ବିଜୁଳି ଉପଲବ୍ଧ ହେବ । ଆମ ଆଦମି ପାର୍ଟି ସରକାର ଗଠନ କଲେ ପୁରୁଣା ବକେୟା ଘରୋଇ ବିଲ୍ ଛାଡ଼ କରାଯିବ । ୧୮ ବର୍ଷରୁ ଅଧିକ ସମସ୍ତ ମହିଳାଙ୍କୁ ମାସିକ ସ୍ତ୍ରୀ ସମ୍ମାନ ରାଶି ବାବଦକୁ ହଜାରେ ଟଙ୍କା ପ୍ରଦାନ କରାଯିବ । ଛତିଶଗଡ଼ର ପ୍ରତ୍ୟେକ ଶିଶୁ ମାଗଣାରେ ଶିକ୍ଷାର ସୁବିଧା ପାଇବେ । ସରକାରୀ ସ୍କୁଲ ଭଲ କରାଯିବା ସହ ଘରୋଇ ସ୍କୁଲର ମାସିକ ଦରମା ବଢ଼ାଯିବନି । ଦିଲ୍ଲୀ ଭଳି ଛତିଶଗଡ଼ର ପ୍ରତ୍ୟେକ ନାଗରିକକୁ ମାଗଣା ଓ ଭଲ ଚିକିତ୍ସା ପ୍ରଦାନ କରାଯିବ । ଔଷଧ, ଟେଷ୍ଟ ଓ ଅପରେସନ ଫ୍ରିରେ ହେବ ।
