ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ପୁଣି ୨ ଜଣ ପଜିଟିଭ୍ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସଂପର୍କ ବିଭାଗର ପକ୍ଷରୁ ସୂଚନା ଦିଆଯାଇଛି। ଚିହ୍ନଟ ହୋଇଥିବା ୨ ପଜିଟିଭ୍ ବଲାଙ୍ଗିର ଜିଲ୍ଲାର ଯୁବକ ବୋଲି ସୂଚନା ମିଳିଛି। ୨ ପଜିଟିଭ୍ ବଲାଙ୍ଗିର ଜିଲ୍ଲାର ଲେଖାରିଆ ଗାଁ’ର ବୋଲି ଜଣାଯାଇଛି। ଉଭୟଙ୍କର ବୟସ ଯଥାକ୍ରମେ ୨୨ ଓ ୧୮ ବର୍ଷ। ଏଦୁହେଁ ତାମିଲନାଡ଼ୁରୁ ଫେରିଛନ୍ତି। ଉଭୟଙ୍କର ଟ୍ରାଭେଲ ହିଷ୍ଟ୍ରି ଏବଂ କଣ୍ଟାକ୍ଟ ଟ୍ରେସିଂ କରାଯାଉଛି।
ଏଥି ସହିତ ପ୍ରଥମ ଥର ଲାଗି ବଲାଙ୍ଗିର ଜିଲ୍ଲାରେ ଆଜି କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୪୫ରେ ପହଞ୍ଚିଛି।
ରାଜ୍ୟରେ ଗୋଟିଏ ମାସ ପରେ କରୋନା ଚିତ୍ର ବଦଳି ଯାଇଛି। ମାଚ୍ର୍ଚ ମାସ ୩୦ତାରିଖ ବେଳକୁ ରାଜ୍ୟରେ ମାତ୍ର ୩ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ। ହେଲେ ମେ ମାସ ୧ ତାରିଖ ବେଳକୁ ଏହି ସଂଖ୍ୟା ୧୪୫ରେ ପହଞ୍ଚି ଯାଇଛି। ଗୋଟିଏ ମାସରେ ୧୪୦ଜଣ ଚିହ୍ନଟ ହୋଇଛନ୍ତି।
