ଭୁବନେଶ୍ୱର: ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଗୁରୁବାର ଲୋକସେବା ଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି। ଉଭୟ ମୁଖ୍ୟମନ୍ତ୍ରୀ ଓ ଆରବିଆଇ ଗଭର୍ଣ୍ଣର ସାକ୍ଷାତ ସମୟରେ ବ୍ୟାଙ୍କିଙ୍ଗ ସେବା ନେଇ ଗୁରୁତ୍ୱପୂର୍ଣ୍ଣ ଆଲୋଚନା କରିଥିବା ଜଣାପଡ଼ିଛି।
ରାଜ୍ୟରେ ବ୍ୟାଙ୍କଗୁଡ଼ିକର ଅଧିକ ଶାଖା ବୃଦ୍ଧି କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସଙ୍କୁ କହିଛନ୍ତି। ସେହିଭଳି କୃଷି କ୍ଷେତ୍ରରେ ଚାଷୀମାନଙ୍କୁ ବ୍ୟାଙ୍କ ଋଣ କିଭଳି ଠିକ ଭାବେ ଦିଆଯାଇପାରିବ ଏବଂ ଡିବିଟି ଭଳି ବ୍ୟାଙ୍କ ଜରିଆରେ ଦେୟ କେମିତି ଅଧିକ ସହଜ ହେବ ସେ ସଂପର୍କରେ ଆଲୋଚନା ହୋଇଥିବା ଜଣାପଡ଼ିଛି।
