ଭୁବନେଶ୍ୱର,ଏନ୍ଏନ୍ଏସ୍ : ଲକଡାଉନରେ ନିଜକୁ ବ୍ୟସ୍ତ ରଖିବା ଲାଗି ଅନେକ ରୋଚକ କାମ କରୁଛନ୍ତି ରାକୁଲ ପ୍ରୀତ ସିଂହ। ନିକଟରେ ସେ ନିଜ ଭାଇ ଅମନପ୍ରୀତଙ୍କ ସହ ପିଲାଦିନର କିଛି ଖେଳ ଖେଳିଛନ୍ତି ଓ ଏହାର ଭିଡିଓ ସୋସିଆଲ ମିଡିଆରେ ସେୟାର କରି ଚର୍ଚ୍ଚାରେ ଅଛନ୍ତି। ଏ ଭିଡିଓରେ ସେ ‘ଡଗ ଆଣ୍ଡ ୱୋନ’, ‘କବାଡ଼ି’ ଓ ‘ଚିଡ଼ିଆ ଉଡ’ ଭଳି ଖେଳ ଖେଳୁଥିବା ଦେଖିବାକୁ ମିଳୁଛି। ଭିଡିଓଟିକୁ ସେୟାର କରି ରାକୁଲ ଲେଖିଛନ୍ତି, ‘ଯେତେବେଳେ ସମୟ ଆପଣଙ୍କୁ ପିଲାଦିନକୁ ଫେରାଇ ନିଏ…’। ଭିଡିଓରେ ଦେଖିବାକୁ ମିଳୁଛି ପ୍ରଥମ ଖେଳରେ ରାକୁଲ ଜିତୁଛନ୍ତି। ମାତ୍ର ‘ଚିଡ଼ିଆ ଉଡ’ରେ ତାଙ୍କୁ ହରାଇ ଦେଉଛନ୍ତି ଅମନପ୍ରୀତ ଓ ଖେଳର ନିୟମ ମୁତାବକ ରାକୁଲଙ୍କ ହାତକୁ ଚାପୁଡ଼ା ମାରି ତାଙ୍କୁ ଦଣ୍ଡ ଦେଉଛନ୍ତି। ଭିଡିଓ ଶେଷରେ ରାକୁଲ ଲେଖିଛନ୍ତି, ‘ଯଦି ଆପଣ ପରିବାର ସହିତ ଅଛନ୍ତି, ତା’ହେଲେ ସବୁ ଘଟଣା ମଜାଦାର।’ ଏହା ପୂର୍ବରୁ ରାକୁଲ ଲକଡାଉନ ସମୟରେ ସକାଳୁ ଉଠିବାଠାରୁ ରାତିରେ ବିଛଣାକୁ ଯିବା ଭିତରେ ଯାହା ସବୁ କାମ କରନ୍ତି, ସେ ସମ୍ପର୍କିତ ଏକ ଭିଡିଓ ସେୟାର କରିଥିଲେ।
