ଭୁବନେଶ୍ୱର,ଏନ୍ଏନ୍ଏସ୍: ଚୀନର ଉହାନ ସହରରୁ ଉତ୍ପନ୍ନ ହୋଇଥିବା ପ୍ରାଣଘାତୀ କରୋନା ଭାଇରସ୍ ଏବେ ୨୨ଟି ଦେଶକୁ ବ୍ୟାପିଲାଣି। ତେବେ ଜାପାନରେ ମଧ୍ୟ କରୋନାରେ ସଂକ୍ରମିତ ରୋଗୀ ଚିହ୍ନଟ ହୋଇଛନ୍ତି। ଜାପାନର ଏକ ଜାହାଜରେ ଫସି ରହିଥିବା ୧୬୦ ଭାରତୀୟଙ୍କ ମଧ୍ୟରେ ଜଣେ ଓଡିଆ ଇଞ୍ଜିନିୟର ଅଛନ୍ତି। ତାଙ୍କର ନାମ ଶିବାଶିଷ ନାୟକ ଓ ତାଙ୍କର ଘର ବ୍ରହ୍ମପୁର ଜିଲ୍ଲାରେ।
ସେ ୧୪ ଦିନ ଧରି ଜାପାନର ୟକୋହମା ଜାହାଜରେ ଫସିରହିଛନ୍ତି। ଏପରିକି କୌଣସି ଖାଦ୍ୟ ବି ତାଙ୍କୁ ମିଳୁନାହିଁ। ତେବେ ଶିବାଶିଷଙ୍କ ସାମ୍ପୁଲ ଟେଷ୍ଟ୍ ନେଗେଟିଭ ଆସିଥିବା ସୂଚନା ମିଳିଛି। ତାଙ୍କୁ ଉଦ୍ଧାର କରିବା ଲାଗି ସେ ରାଜ୍ୟ ସରକାରଙ୍କୁ ନିବେଦନ କରିଛନ୍ତି।
