ଭୁବନେଶ୍ୱର, ଏନ୍ଏନ୍ଏସ୍: ଗତକାଲି କରୋନାମୁକ୍ତ ହୋଇଥିବା ରାଜଧାନୀ ଭୁବନେଶ୍ୱରକୁ ପୁଣି ଫେରିଛି କରୋନା। ଆଜି ସକାଳୁ ଚିହ୍ନଟ ହୋଇଥିବା ୧୦୨ ଜଣଙ୍କ ମଧ୍ୟରୁ ଭୁବନେଶ୍ୱରରୁ ୨ଜଣ ଥିବା ଜଣାପଡ଼ିଛି। ଚିହ୍ନଟ ୨ଜଣ ସ୍ଥାନୀୟ ହୋଇଥିବା ସୂଚନା ରାଜ୍ୟ ସରକାର ପ୍ରଦାନ କରିଛନ୍ତି।
ସୂଚନାଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ୯୭୮ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ୩୦୭ଜଣ ସୁସ୍ଥ ହୋଇଛନ୍ତି ଓ ୫ଜଣଙ୍କର ମୃତ୍ୟୁ ଘଟିଛି। ଆଉ ୬୬୬ଜଣ ରାଜ୍ୟର ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି।
