ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୮ଜଣ କେରାନା ଆକ୍ରାନ୍ତ ସୁସ୍ଥ ହୋଇଥିବା ଜଣାପଡ଼ିଛି। ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ ଜରିଆରେ ସୂଚନା ଦିଆଯାଇଛି। ସେମାନଙ୍କ ମଧ୍ୟରେ ୪ ଜଣ ଯାଜପୁର ଜିଲ୍ଲାର, ୨ ଜଣ ଭଦ୍ରକ ଜିଲ୍ଲା, ଜଣେ ବାଲେଶ୍ୱର ଜିଲ୍ଲା ଓ ଜଣେ କେନ୍ଦୁଝର ଜିଲ୍ଲାର ରହିଛନ୍ତି। ସେହିପରି ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ସୁସ୍ଥଙ୍କ ସଂଖ୍ୟା ୧୬୬ରେ ପହଞ୍ଚିଛି।
ସୂଚନା ଅନୁସାରେ ଆଜି ସକାଳେ ରାଜ୍ୟରେ ନୂତନ ୪୮ଟି କରୋନା ପଜିଟିଭ କେସ୍ ସାମ୍ନାକୁ ଆସିଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୬୭୨ ହୋଇଛି।
